Presidenti i Republikës Ilir Meta ka uruar sot me rastin e 112-vjetorit të Manastirit, Ditën e Alfabetit. Teksa publikon foto nga dokumentet dhe fotot e ekspozuara në në Institucionin e Presidentit nga punimet e Kongresit të lavdishëm të Manastirit dhe shpreh kënaqësinë për këtë moment, Kreu i Shtetit thotë se në themel të çdo kombi qëndron gjuha, ndaj mbrojtja e saj nga çdo armik apo gjakprishur, i shërben identitetit tonë kombëtar.
Meta shpreh dhe nderim e mirënjohje ndaj rilindasve të vërtetë të kombit tonë.
“Gëzuar Ditën e Alfabetit të gjuhës sonë të bukur shqipe, të shkruar me gërma gjaku, pas sakrificash të panumërta të patriotëve dhe intelektualëve tanë.
Nderim dhe mirënjohje Rilindasve të vërtetë të kombit tonë, që 112 vjet më parë, të mbledhur në Kongresin e Manastirit, njehsuan elementin më të rëndësishëm përbashkues të shqiptarëve, për t’i paraprirë Pavarësisë së Shqipërisë.
Në themel të çdo kombi qëndron gjuha, ndaj mbrojtja e saj nga çdo armik apo gjakprishur, i shërben identitetit tonë kombëtar.
I lumtur që në përvjetorin e kësaj ngjarjeje të shënuar kombëtare, të ekspozoheshin në Institucionin e Presidentit, dokumente dhe foto nga punimet e Kongresit të lavdishëm të Manastirit. ????????”, deklaron Meta.
