Përmes video mesazheve me porosi ku theksi bie mbi progresin e Maqedonisë së Veriut dhe përkushtimin e Bujar Osmanit në diplomacinë e vendit dhe forcimin e lidhjeve me vendet e rajonit, Evropën dhe SHBA-në, diplomatë të ndryshëm kanë uruar 30 vjetorin e Pavarësisë së RMV-s, duke filluar nga Sekretari Shtetëror i SHBA-së, Antony Blinken dhe diplomatë tjerë.
Uratat janë fryte që rezultojnë pas takimeve të shumta që i pari i Diplomacisë së vendit arriti për më pak se një vit, duke krijuar miq dhe duke përforcuar marrëdhëniet diplomatike me aleat strategjik të vendit.
Dje Osmani ka mbajtur edhe një ekspozitë në hapësirat e MPJ-së ku janë publikuar dokumente të ndryshme me rëndësi për vendin, para diplomatëve në vend dhe përfaqësuesve më të lartë shtetëror të vendit.
