Shkalla e incidencës midis 10 dhe 19 vjeçarëve ishte pothuajse 220 raste për 100,000 banorë. Shumë më e lartë se te mbi 80 vjeçarët.
Vala e tretë e koronës, e cila konsiderohet se është duke ndodhur. godet më fort kategoritë e moshave më të reja. Kështu, raportohet edhe rasti i parë që dikush në Zvicër nga grupmosha prej 10 deri në 19 vjeç vdes nga virusi.
Numri i rasteve të raportuara të koronavirusit në Zvicër po rritet përsëri: Në javën kalendarike 12 (22 Mars – 28 Mars), janë raportuar në BAG gjithsej 12,512 infeksione të reja, transmeton albinfo.ch. Në javën pararendëse kishte 10,498 raste.
Për sa i përket popullsisë, grupmoshat më të reja preken më shumë nga koronavirusi aktual. Shkalla e incidencës midis 10 dhe 19 vjeçarëve ishte pothuajse 220 raste për 100,000 banorë për javën 12 kalendarike.
Tek të rinjtë midis 20 deri në 29 vjeç, incidenca në të njëjtën periudhë është po ashtu mbi 205 raste për 100,000 banorë. Për krahasim: Në moshën mbi 80 vjeç, grupmosha që është vaksinuar më gjerësisht, incidenca është rreth një e katërta – pothuajse 55 njerëz në 100,000 banorë janë të infektuar në këtë grup moshë.
Për herë të parë që nga shpërthimi i pandemisë së koronës, një person nga grupmosha nga 10 deri në 19 vjeç ka vdekur nga virusi korona, përcjell albinfo.ch. Kjo është raportuar së pari nga gazeta “Le Matin”, e cila bazohet në raportin e menaxhimit javor të BAG.
