Kryeministri izraelit Benjamin Netanyahu nuk pranoi të përgjigjet nëse do të merrte përgjegjësinë për dështimin për të parandaluar sulmin e 7 tetorit ndaj Izraelit, duke thënë se do të kishte kohë për pyetje të tilla “të vështira” kur të përfundojë lufta.
Në një intervistë për CNN, Netanyahu pranoi se ishte “një pyetje që duhet bërë”.
“Dhe ne do t’u përgjigjemi të gjitha këtyre pyetjeve,” këmbënguli ai, duke shtuar: “Tani për tani, mendoj se ajo që duhet të bëjmë është të bashkojmë vendin për një qëllim; fitoren. Le të fokusohemi tek fitorja – kjo është përgjegjësia ime tani”.
Netanyahu ishte nën presion për dështimin për të parashikuar sulmin më vdekjeprurës që nga themelimi i Izraelit, në të cilin persona të armatosur të Hamasit vranë më shumë se 1.200 njerëz dhe morën më shumë se 200 pengje, sipas autoriteteve izraelite.
Në një protestë të shtunën, familjet e pengjeve i bënë thirrje Netanyahut dhe qeverisë që të bëjnë më shumë për të siguruar lirimin e tyre.
