Pak ditë më parë Anaid Kaloti dhe Kledi i dërguan Donaldit me parashutë tre balona dhe njëra prej tyre kishte një mesazh të koduar pasi i kujtonte ditëlindjen e Borës 9 janar.
Sot banorit i është dërguar edhe një tjetër parashutë surprizë, por këtë herë nga mbështetësit e lidhjes së tij me Trixën.
Fillimisht, piloti Arbër Xhaja ka postuar në Instagram një video, ku shfaqet i veshur si “Spiderman”, një simbol identifikues i Donaldit.
“Rrini gati. Diçka e bukur do të ndodhë”, është shprehur piloti. Më pas, ka fluturuar sipër shtëpisë së “Big Brother VIP” me parashutën në të cilën shkruhet: “Mbaje premtimin dem. Fito! We love you Trixa, Donald & Fifi. Team Donald and Nanushat. Filoqyl”.
Ky mesazh mesa duket është bërë nga fansat e tre personazheve, Donaldit, Beatriksës dhe Fifit, që la lojën disa javë më parë.
Kujtojmë se ditë më parë Antigona nëna e Trixës kishte akuzuar produksionin se i ka ndaluar dy parashuta ku jepej përkrahja ndaj vajzës së saj.
Pas reagimit të mamasë së Trixës, Donaldi pranon parashutë me këtë mbishkrim
