Policia në Pogradec ka penguar kontrabandë të marijuanës nga Shqipëria për në Maqedoninë e Veriut përmes Liqenit të Ohrit.
Janë arrestuar dy persona, për të cilët kanë ekzistuar dyshime se këtë “veprimtari” e kanë kryer disa herë.
Me këtë rast, siç kumtoi policia, u konfiskua drogë në sasi më të vogël.
Në kumtesë shtohet se në bashkëpunim me policinë e Maqedonisë së Veriut po punohet në zbulimin dhe arrestimin edhe të personave tjerë të përfshirë në këtë aktivitet.
Policitë e dy vendeve janë përfshirë edhe në ndriçimin e rastit me kokainën e konfiskuar në Durrës. Sipas informatave të fundit të policisë, në kamionin, me të cilin ka drejtuar një shtetas i Maqedonisë së Veriut, janë konfiskuar gjithsej 324 kilogramë e 400 gramë kokainë, i paketuar në kuti me logot e Çikago Bullsit, Pari Sen Zhermenit, Kenzos dhe Diorit.
