Anëtarë, simpatizantë dhe politikanë nga partia VMRO e Bullgarisë udhëhequr nga Angel Xhambaski janë mbledhur mbrëmë përpara shtëpisë së ish-presidentit bullgar. Bojko Borisov në Bankaja.
Ata me parulla në duar: “Mos e falni Maqedoninë”, “Mos u mashtroni nga Maqedonia”, kanë protestuar ashpër, pasi partia GERB përkrahi hapjen e nagociatave të Maqedonisë së Veriut me Bashkimin Evropian dhe u deklarua pro largimit të vetos.
Në vendngjarje pas turmës së VMRO-së kanë ardhur dhe simpatizantë dhe politikanë nga partia GERB e Borisovit.
Mediat bullgare raportojnë se në mes tyre menjëherë pas mesnate janë ngritur tonet dhe ka eskaluar situata në dhunë fizike.
Pas intevenimit të ish-presidentit Borisov, liderit te VMRO-së bullgare Xhambaskit dhe policisë, palët e konfliktit janë shpërndarë, ndërsa Xhambaski ka shprehur kërkim falje pasi ideja e protestës sipas tij, nuk ka qenë që situata të eskaloj por të shprehin një revoltë gjithë kombetare ndaj asaj që po ndodh për çështjen e Maqedonisë.
