Nga Qendra turistike “Kodra e Diellit” njoftojnë se do të ketë mundësi për funksionimin e disa prej skilifteve në dy ditët e fundjavës, e me këtë edhe mundësi për skijim në këtë qendër dimërore.
Marketing
Për shkak të borës së pamjaftueshme, skiliftet nuk kanë funksionuar që nga 29 janari dhe nuk ka pasur mundësi për skijim për 18 ditë.
“Njoftojmë adhuruesit e skijimit se kemi kushte për skijimin në pistat “GE” dhe “Aeroporti”, ski-liftet “GE”, “Aeroporti”, dyvendëshi “Shën Ilia” dhe teleferiku gjashtëvendësh do të jetë në funksion për fundjavën 17-18.02.2024. Njëkohësisht ju njoftojmë se çmimi për një kartë ditore është 800 denarë!”, njoftojnë nga ski qendra “Kodra e Diellit”.
