Cristiano Ronaldo mendon se është i pathyeshëm? E ka gabim, rekordi i tij qëndroi vetëm pak orë në fuqi . Edhe pse të bësh më shumë se 142 pompa për muskujt e barkut duket një sfidë përtej mundësive njerëzore, një shok i skuadrës së CR7 tek Juventusi, që sapo është shëruar nga Koronavirusi, e hodhi shumë shpejt “në tapet yllin” portugez.
“Vëlla, më vrave! Herën tjetër do të vrapojmë”. Ky është mesazhi në postimin e Blaise Matuidi, që në përfundim të sfidës, dukej shumë i lodhur, por shumë i lumtur. Francezi, siç e dëshmojnë dhe pamjet, ka mundur të bëjë 144 pompa për 45 sekonda, pra dy më shumë se CR7.
Pak ditë më parë, bashkëshortja e tij, Isabelle, kishte lajmëruar se rezultati i testit të Koronavirusit kishte dalë negativ, megjithatë do t’i duhet të qëndrojë edhe 2 javë të tjera në izolim. Kujtojmë që Matuidi ishte një ndër futbollistët e “Zonjës së Vjetër” që u prekën nga Koronavirusi.
