Ballina Lajme Maqedoni Seanca të reja për lëndët “Tarifa” dhe “Treqind”

Seanca të reja për lëndët “Tarifa” dhe “Treqind”

Në Gjykatën Penale në Shkup sot duhet të mbahen seanca për “Tarifën”, “Monstrën” dhe “Treqind” të PSP-së.

Marketing

Në bankën e të akuzuarve sot duhet të ulen ish drejtori i përgjithshëm i SHA “ELEM” Dejan Boshkovski dhe dy persona tjera të cilët akuzohen për rastin “Tarifa”. Bëhet fjalë për akuzë të furnizimit kundërligjor të sistemit softuerik për nevojat e kompanisë shtetërore “Elektranat e Maqedonisë” në vlerë rreth katër milionë euro.

Në Gjykatën Penale në Shkup sot sërish ka filluar gjykimi për rastin “Treqind” të Prokurorisë Speciale Publike, kundër ish-zëvendësministrit të Punëve të Brendshme Gjoko Popovski për keqpërdorim të detyrës zyrtare gjatë furnizimit të 300 automjeteve për nevojat e Ministrisë së Punëve të Brendshme.

Gjykatësja Dobrilla Kacarska në maj të vitit të kaluar e dënoi Popovskin me nëntë vjet burg për keqpërdorim të detyrës zyrtare gjatë zbatimit të procedurës tenderiale dhe zgjedhjen e ofertës më të volitshme gjatë furnizimit të 300 automjeteve për nevojat e Ministrisë së Brendshme.
Sipas akuzës së PSP-së Popovski nuk i ka respektuar rregullat ligjore për furnizim publik dhe e ka dëmtuar buxhetin 453.570 euro.

Marketing
Exit mobile version