Situata afër vendkalimit kufitar në Jarinje ka filluar të tensionohet. Serbët atje po vazhdojnë të mbajnë rrugën e bllokuar.
Tani ata kanë filluar edhe të vendosin tenda për t’u strehuar pasi në atë zonë kanë filluar reshjet e shiut.
Këto veprime të serbëve vijnë si shenjë pakënaqësie pasi Kosova sot filloi zbatimin për pajisje me targa të përkohshme të automjeteve që mbajnë targa të Serbisë.
Sipas vendimit të Qeverisë së Kosovës, veturat që hyjnë nga Serbia duhet të pajisjen me targa të përkohshme në pikëkalimet kufitare të Kosovës.
Këto targa të përkohshme po u vendosen veturave në xhamat para dhe prapa.
Qeveria e Kosovës ka thënë se të gjithë shoferët me targa të lëshuara nga Serbia duhet të paguajnë 5 euro për targa të përkohshme dhe vlefshmëria e tyre është 60 ditë.
