Fitorja e Francës ndaj Argjentinës, në çerekfinalen e turneut të futbollit në Lojërat Olimpike, u pasua nga një sherr masiv mes lojtarëve në fundin e ndeshjes.
Nicolas Otamendi ishte i nervozuar me këto ngjarje dhe duke folur për shtypin e pranishëm në stadium pas ndeshjes, denoncoi sjelljen e lojtarëve francezë, të cilët festuan fitoren para familjeve të lojtarëve argjentinas.
“Jam shumë i zemëruar që ata shkuan atje ku ishte familja jonë dhe u tallën me ta. Isha shumë i inatosur, mund të festojnë ku të duan, të tallen me kë të duan, por jo përpara familjarëve tanë.
Otamendi vlerësoi gjithashtu performancën e lojtarëve të rinj në ekipin argjentinas, duke vlerësuar lojën e tyre dhe mundësitë për të barazuar takimin:
“Unë u thashë djemve se e admirova reagimin e tyre gjatë gjithë lojës dhe më pas u thashë se kështu duhet përfaqësuar kombëtarja e Argjentinës, të jenë gjithmonë luftarak.”-mbylli deklaratën e tij futbollisti 36-vjeçar
Ndeshje mes Francëes dhe Argjentinës u mbyll me rezultatin 1-0, me “gjelat” që shkuan në gjysmëfinalen e turneut.
