Arsenali dhe Adidasi i kërkuan Verona Alilit ta dizajnojë fanellën e veçantë të fushatës kundër krimit me thikë (‘No More Red’).
“Arsyeja pse isha në Arsenal është të kryeja kursin për shkenca sportive. Tre muaj para se ta përfundoja, mësuesit panë që po shkëputesha, isha e painteresuar dhe kur ata flisnin, unë shkarravitja në letër. Ata më thanë: pse të mos e angazhojmë një mësues dizajni që të vijë të punojë me ju?” ka thënë Alili për mediumin e Arsenalit.
Për gjashtë javë, ajo punoi me Reuben Dangoor, dizajner shumë i famshëm. Pas një mundi të madh, rezultati u arrit dhe këtë fanellë veç Veronës, e veshi edhe ish-futbollisti i Arsenalit Ian Wright, aktori Idris Elba dhe gjithë futbollistët e Arsenalit në ndeshjen e FA Cup kundër Nottingham Forest.
