Një video e Zonjës së Parë të Francës, Brigitte Macron, ku duket sikur i jep një shuplakë bashkëshortit të saj, presidentit Emmanuel Macron, është bërë virale në rrjet.
Por kjo nuk është hera e parë që çifti tërheq vëmendjen e publikut – historia e tyre e dashurisë vazhdon të jetë ndër më të komentuarat në politikën botërore.
Brigitte, sot 72 vjeçe, dhe Emmanuel, 47 vjeç, u njohën në shkollën katolike “Le Providence”, ku ajo ishte mësuese dhe ai vetëm 15 vjeç.
Në atë kohë, Brigitte ishte 39 dhe e martuar me bankierin André-Louis Auzière, me të cilin kishte tre fëmijë. Në fillim, prindërit e Macron mendonin se djali i tyre kishte ndjenja për vajzën e Brigitte-s, por sapo zbuluan të vërtetën, e dërguan në shkollë me konvikt në Paris.
Emmanuelit iu desh të largohej, mendova se do të dashurohej me dikë tjetër. Por kjo nuk ndodhi -tha Brigitte për “Paris Match”.
Çifti qëndroi në kontakt për një dekadë, ndërsa Brigitte nuk mori menjëherë divorc, duke pritur që fëmijët e saj të rriteshin.
Ajo pranoi se kjo ishte një periudhë e vështirë, pasi i lëndoi emocionalisht fëmijët e saj.
Në vitin 2006 ajo u divorcua dhe një vit më vonë u martua me Emmanuel Macron. Ish-bashkëshorti i saj ndërroi jetë në vitin 2019.
Sot, Brigitte dhe Emmanuel përpiqen të jenë sa më shumë pranë njëri-tjetrit, pavarësisht axhendës presidenciale.
“Ne jemi si çdo çift tjetër – diskutojmë, pajtohemi, grindemi… por gjithçka është e natyrshme. Jemi thjesht dy njerëz që kanë gjetur njëri-tjetrin”, ka thënë Brigitte për “Elle”.
Historia e tyre, ndonëse e pazakontë, është një shembull i dashurisë që sfidon normat dhe paragjykimet./ TAR