Prince Harry besohet të ketë pasur një lidhje me modelen Sarah Ann Macklin ndërsa kishte nisur një romancë me gruan e tij aktuale, Meghan Markle. Angela Levin, e cila shkroi biografinë e Princit Harry, zbuloi se Harry dhe Macklin filluan të flisnin pas takimit në një festë private.
Kjo romancë e shpejtë ndodhi menjëherë pasi Harry u takua me Meghan, me të cilën u martua katër vjet më parë në Kështjellën Windsor në Mretërinë e Bashkuar.
“Gjatë fazave të hershme të marrëdhënies së tij me Meghan, Harry mendohej se kishte dalë në takime me modelen e Burberry, Sarah Ann Macklin”, tha Levin.
“Ata u takuan në një festë private, ai ia mori numrin dhe e bombardoi me mesazhe, por doli të ishte vetëm një shaka. Një mik tha: “Ata vazhdojnë, por janë krejt të ndryshëm. Ajo është shumë e pastër dhe mezi pi, dhe në këtë aspekt ata ishin në një gjatësi vale të ndryshme. Harry ishte pak i paangazhuar. Ka pasur gjithashtu një konfuzion nëse Meghan ishte ndarë apo jo me të dashurin e saj prej dy vitesh, kuzhinierin e famshëm Cory Vitiello”- shtoi ajo.
Kush është Sarah Ann Macklin? Ndërsa Princi Harry dhe Meghan kanë dy fëmijë dhe jetojnë në Shtetet e Bashkuara, Sarah Ann Macklin vazhdon karrierën e saj si modele dhe nutricioniste. Ajo është gjithashtu një influencer, duke ndarë këshilla për një mënyrë jetese të shëndetshme në rrjetet sociale.
Pavarësisht disa përplasjeve në marrëdhënien e tyre, dyshja duken po aq të fortë si kurrë më parë, me Meghan që pranoi së fundmi se Harry e shpëtoi duke i gjetur një terapiste.
“Kur isha shumë keq, burri im më ndihmoi duke gjetur një terapist të besuar. Dhe rashë në kontakt me këtë grua. Posta zanore që i lashë tregoi se sa keq isha. Unë mendoj se është thelbësore që ne të gjithë të jemi shumë të sinqertë për nevojat tona. Nuk duhet të kemi frikë të kërkojmë ndihmë nga jashtë nëse është e nevojshme”– tha ajo.
