Tag: dimitrov

Maqedonia e Veriut pret të marrë dritë jeshile nga BE-ja dhe sivjet t’i fillojë negociatat për anëtarësim, thotë shefi i diplomacisë Nikolla Dimitrov në një intervistë për “Fajneshëll Tajms”. Mendon se Brukseli duhet ta njohë tregimin e suksesshëm dhe të mos i hedhë poshtë aspiratat e Shkupit për eurointegrim, sepse në të kundërtën do të rrezikonte ta humbasë ndikimin e Ballkanit dhe do t’i përforconte rivalët në rajon.

“Kur ekziston një shembull i mirë (për inkuadrim në negociata), ai duhet të njihet dhe të shpërblehet. Nëse nuk ndodh kjo, atëherë fuqia e BE-së bëhet e dobët”, thotë Dimitrov, duke theksuar se Ballkani Perëndimor tani është “skenë e garës gjeopolitike” në të cilën janë të përfshirë Pekini dhe Moska.

Sipas tij, nëse Evropa nuk mund të bëjë dallim në Ballkan, atëherë vështirë është të mendohet si kjo do të bëjë dallim në një vend tjetër.

“BE-ja do ta humbasë ndikimin e Ballkanit Perëndimor dhe do të rrezikojë t’i përforcojë rivalët siç janë Rusia dhe Kina nëse nuk e lejon ‘rastin bindës’ të Maqedonisë së Veriut dhe nuk solli vendim për të filluar negociata për inkuadrimin e vendit. Do të jetë e vështirë të bisedojnë me kokën lartë për lidhje të përhershme më të afërta midis Brukselit dhe rajonit, nëse vendet-anëtare të BE-së nuk arrijnë ta konfirmojnë vendimin për fillimin e procesit të inkuadrimit”, thekson Dimitrov.

“Fajneshëll Tajms” përkujton se mbetet të shihet nëse Franca, Gjermania dhe Holanda do t’i mbështesin argumentet e shumë diplomatëve evropianë se vendi ballkanik i ka plotësuar obligimet, duke e përfshirë edhe marrëveshjen për emrin me të cilën iu dha fund kontestit shumë vjeçar me Greqinë.

Dimitrov thotë se nuk mund lehtë ta kuptojë shqetësimin tek disa në BE dhe thekson se Maqedonia e Veriut krijoi atmosferë në të cilën do të ishte pothuajse e turpshme të mos arrihet konsensus për rastin e saj.

Përkujton se vendi ka bërë “kthesë të dukshme në të mirë” me zgjidhjen e çështjeve të hapura dhe thellimin e reformave. Mendon se vendet e BE-së sivjet nuk mund vetëm ta injorojnë rastin tonë dhe të mos i njohin tregimet e suksesshme, sepse ato sot janë shumë.

Dimitrov paralajmëroi se refuzimi nga ana e BE-së do ta prishë kredibilitetin e qeverisë në Shkup dhe do t’i përforcojë forcat nacionaliste . Kjo do të jetë dekurajuese edhe për ata të cilët tentojnë t’i zgjidhin kontestet tjera të rëndësishme bilaterale me të cilin përballet rajoni pas rrëzimit të Ish-Jugosllavisë, thonë ministri i Punëve të Jashtme, Nikolla Dimitrov për “Fajneshëll Tajms”.

Vendi im sot, Maqedonia e Veriut, është tregim i suksesshëm i cili duhet të inkurajohet dhe mbështetet nëse dëshirojmë ta bëjmë dallimin. Leksioni më i madh i mësuar prej të gjithë kësaj është se ne mund ta bëjmë dallimin.

Këtë e theksoi ministri i Punëve të Jashtme, Nikolla Dimitrov në fjalimin e djeshëm në Bundestagun gjerman në debatin “Ballkani Perëndimor pas zgjidhjes së çështjes së emrit: arritja, sfidat dhe perspektivat”, videoja prej së cilit është vendosur në profilin e tij të fejsbukut.

“Edhe krahas situatës së rëndë politike në Evropë sot, zgjedhjet evropiane të ardhshme, të gjitha çështjet të cilat lidhen me atë, thjeshtë nuk e kemi luksin të mos kemi sukses në krijimin e tregimeve të suksesshme. Vendi im Maqedonia e Veriut sot është tregim i suksesshëm i cili duhet të inkurajohet dhe mbështetet nëse duam të bëjmë dallimin.

Leksioni më i madh i mësuar prej të gjithë kësaj është se ne mund ta bëjmë dallimin. Asgjë prej kësaj, as pajtimi, as Marrëveshja e Prespës nuk ishte e pashmangshme. Përkundrazi, ndodhi pasi ne atë e bëmë, së bashku me lidershipin në Athinë”, tha Dimitrov.

Shefi i diplomacisë paraprakisht në Berlin kishte takim me Jan Heker, këshilltar i Punëve të Jashtme i kancelares, Angela Merkel dhe me deputetin Metin Hakvardi në të cilat ka kërkuar njohjen e suksesit të Maqedonisë nga BE-ja me çka Unioni do ta rrisë ndikimin e BE-së në Ballkan, ndërsa është folur edhe për reformat për fqinjësi të mirë, për nevojën që BE-ja ta konfirmojë suksesin e përbashkët duke e motivuar të gjithë rajonin.

Debatin në Bundestag e organizuan grupet parlamentare të të Gjelbërve dhe të seksionit gjerman të Unionit të Federalistëve evropianë, në të cilin bëjnë pjesë deputetë të katër partive politike – CDU/CSU, Socialdemokratët, Të Gjelbrit dhe Liberalët.

Ministri i Punëve të Jashtme të Republikës së Maqedonisë së Veriut, Nikolla Dimitrov sot dhe nesër do të qëndrojë për vizitë zyrtare në Hagë, Mbretëria e Holandës.

Siç kumtoi MPJ, Dimitrov në Hagë do të realizojë takime me kolegun holandez Stef Bllok, si dhe me përfaqësues të zyrës së kryeministrit holandez, të Ministrisë së Punëve të Jashtme dhe anëtarë të Parlamentit.

Ministri Dimitrov do të ketë fjalim edhe para Komitetit parlamentar për Çështje Evropiane, ku do të prezantojë progresin e Republikës së Maqedonisë së Veriut në periudhën e kaluar dhe gatishmërinë e vendit për fillimin e bisedimeve për inkuadrim me Bashkimin Evropian, në vigjilje të Këshillit të BE-së në qershor.

Shefi i Diplomacisë Nikolla Dimitrov i sigurt në perspektivat evropiane të vendit – suksesi në integrimet evropiane të Maqedonisë së Veriut është sukses për tërë rajonin.

Dimitrov, i cili sot dhe nesër qëndron për vizitë pune në Berlin u shpreh në profilin e tij në Facebook, duke theksuar se dy ditët e ardhshme janë të rëndësishme për perspektivat evropiane të vendit.

“Dy ditët e ardhshme, takime të rëndësishme për perspektivat tona evropiane! Kemi argumente, reforma dhe marrëdhënie të mira fqinjësore. Suksesi ynë do të jetë sukses edhe për rajonin dhe BE-në. Jam i bindur në atë, ndërsa do t’i bind edhe të gjithë bashkëbiseduesit në Berlin, shkruajti Dimitrov në Facebook.

Dimitrov në takimet me përfaqësuesit gjerman do të bisedojë për përparimin e vendit në eurointegrimet.
Në ditën e dytë të vizitës, siç kumtoi MPJ, Dimitrovit do t’i bashkangjitet edhe zëvendëskryetari për Çështje Evropiane Bujar Osmani, me ç’rast është planifikuar brifing i përbashkët para Komisionit Parlamentar për çështje evropiane në Bundestag, në të cilën do ta prezantojnë përparimin dhe gatishmërinë e vendit për fillim të negociatave inkuadruese me Bashkimin Evropian, në vigjilje të Këshillit të qershorit të BE-së.

Dimitrov pritet sot të realizojë takime me deputetët në Bundestagun gjerman, mes të cilëve edhe me grupin e punës për politikë të jashtme të CDU/CSU, si dhe me përfaqësues të Zyrës së kancelares gjermane Angela Merkel.
Janë parashikuar edhe takime me ministrin për Evropë, Mihail Hot dhe lideren e re të CDU/CSU, Anegret Kramp-Karenbauer.

Procesi i bisedimeve me zgjidhjen është shenjë e vetëbesimit të të dyja vendeve dhe të dy popujve, fitore e shpresës ndaj emocioneve të tjera, tha ministri i Punëve të Jashtme të Republikës së Maqedonisë së Veriut, Nikolla Dimitrov në panel diskutimin e organizuar nga Universiteti i Athinës “Pieras” në të cilin mori pjesë me ftesë të ish shefit të diplomacisë greke, Nikos Koxias, lajmëron korrespondentja e MIA-s nga Athina.

Dimitrovi tha se “nëse ekziston leksion nga procesi i filluar në qershor të vitit 2017, i intensifikuar në dhjetor të vitit 2017 dhe janar të vitit 2018, ndërsa i finalizuar mes të dyja vendeve në qershor të vitit të kaluar, kjo është fitorja e vetëbesimit të të dyja vendeve, të të dy popujve”.

“Kjo gjithashtu është fitore e shpresës ndaj emocioneve të tjera, fitore e lidershipit shumëvjeçar mbi politikën ditore. Kjo nuk ndodh shpesh, sepse më së lehti është që të mos preket problemi ose të preket në atë mënyrë që do të të sillte pikë ditore politike. Ajo që ishte e vështirë është që të gjendej zgjidhje, kompromis”, theksoi Dimitrov në fjalimin e tij në panel diskutimin e Mesdheut Juglindor.

Ministri i Punëve të Jashtme u përqendrua në rajon duke thënë se “tani është koha që rajoni të marrë fatin në duart e tij”, se ka histori të madhe për të cilën të gjithë janë krenarë, por nevojitet që të krijohet e ardhme.
“Jemi krenarë për historinë tonë, do të jap gjithçka nga vetja, derisa jam në politikë, të jemi krenarë për atë që do të arrijmë sot dhe nesër”, porositi ministri i Punëve të Jashtme.
Ai tha se të gjitha vendet e rajonit duhet të jenë të bashkuar, të punojnë së bashku, “sepse kështu do të jemi më të fortë”. Ai foli edhe për krizat me të cilat u përball dhe po përballet BE-ja dhe theksoi se “nuk duhet të lejohet që e njëjta t’i ndodhe dhe Ballkanit”, ndërsa për këtë, nevojitet edhe që të krijohen miqësi, të hapen dyer dhe të punohet në demokracinë në brendi të vendeve.

“I thash kryetarit të Parlamentit se tani duhet se si të zbulohemi mes vete, ne jemi fqinj dhe kemi faqe të bardhë të cilën duhet të fillojmë ta shkruajmë”, tha ministri Dimitrov dhe theksoi se kjo do të jetë faqe pozitive.

Ministri Dimitrov shfaqi shpresë se zgjidhja e çështjes së emrit do të jetë inspirim edhe për vendet e tjera dhe theksoi se për rajonin nuk ka opsion tjetër alternativ nga perspektiva evropiane.

Tha se nuk ekziston diskutim i mjaftueshëm për punët dhe problemet aktuale në rajon, siç është largimi i të rinjve, papunësia, sigurimi shëndetësor dhe të ngjashme.
Në panel diskutimin, së bashku me Dimitrovin morën pjesë edhe ish ministrat e Punëve të Jashtme të Bullgarisë dhe Shqipërisë, Mitov dhe Bushati.

Në fund të konferencës akademike dyditore i ishte ndarë shpërblim ish shefit të diplomacisë greke, Nikos Koxias, pas çka ai foli para të pranishmëve.

Ministri i jashtëm i Maqedonisë së Veriut, Nikolla Dimitrov, ka realizuar takim me Kryetarin e Kuvendit të Greqisë, Nikos Voutsi, në Athinë.

Me këtë rast, Dimitrov tha se me Marrëveshjen e Prespës është hapur potencial i madh në mes të dyja vendeve dhe se është e rëndësishme që të bindet çdo qytetar, edhe në Greqi edhe në Maqedoninë e Veriut, se kjo ishte punë e drejtë dhe se jemi aleatë të natyrshëm.

“Mendoj se kemi hapur potencial të madh në marrëdhëniet mes dy vendeve dhe nuk do të ndaloj derisa nuk e bindim edhe qytetarin e fundit edhe në Greqi edhe Maqedoninë e Veriut se ky ishte hapi i duhur dhe se dy kombet tona janë aleatë natyrorë. Ne jemi fqinjë dhe nuk mund të ndërtohet miqësi me fqinjin nëse nuk shprehet respekt dhe mirëkuptim për tjetrin. Mendoj se tani fillojmë të ndërtojmë miqësinë tonë”,- deklaroi Nikolla Dimitrov nga MPJ.

Kryetari i Kuvendit të Greqisë, Nikos Voutsi, gjatë takimit dha mesazhin se Marrëveshja e Prespës ka hapur rrugën drejt miqësisë, Aleancës dhe bashkëpunimit në të gjitha fushat, në rrugën e së cilës po shkojnë të dyja vendet. Dimitov në Athinë po qëndron me ftesë të ish ministrit të punëve të jashtme të Greqisë, Nikos Koxias, ndërsa ai do të marrë pjesë në konferencën akademike me rastin e shënimit të 20 vjetorit të Sektorit për studime ndërkombëtare dhe evropiane në universitetin e Piresë