Tag: Methju Palmer

Duam ta shohim të gjithë rajonin në Bashkimin Evropian, por kornizën kohore për realizimin e kësaj, e kontrollojnë vetë shtetet, tha përfaqësuesi special i SHBA-ve për Ballkanin, Metju Palmer në intervistë për TV21. Sipas tij, shtetet duhet t’i plotësojnë kriteret, por për Maqedoninë e Veriut dhe Shqipërinë tha se është shumë e rëndësishme që BE-ja t’i plotësojë detyrat e saj ndaj tyre. Korniza ideale kohore për një gjë të tillë, siç u shpreh, janë disa muajt e ardhshëm.

“Maqedonia e Veriut bëri gjithçka që BE-ja kërkoi prej saj. Merituan që t’i fillojnë negociatat aderuese me BE-në. E merituan konferencën e parë ndërqeveritare. BE-ja duhet të gjejë mënyrë që ta mundësojë këtë, ta hapë rrugën dhe ta fillojë konferencën ndërqeveritare. Ne presim që BE-ja ta marrë këtë me seriozitet dhe të veprojë në mënyrë adekuate”, tha për TV21, Metju Palmer – Përfaqësues Special i SHBA-ve për Ballkanin.

Marrëveshja e Prespës është shembull i mirë për zgjidhjen e kontesteve bilaterale, tha Palmer. Liderët e Ballkanit duhet të marrin përgjegjësi dhe guxim për zgjidhjen e çështjeve por njëkohësisht t’i mbrojnë interesat e qytetarëve të tyre.

“Përmes Marrëveshjes së Prespës pamë lidership në Shkup dhe Athinë. Ishin të gatshëm të ndërmarrin rrezik, të diskutojnë për problemet e ndërlikuara, ta gjejnë kompromisin e nevojshëm, të arrijnë kompromis dhe ta mbrojnë para popullit të vet. Kjo është e rëndësishme për Kosovën dhe Serbinë, për negociatat që udhëhiqen në Bosnjë dhe Hercegovinë. Lidershipi dhe liderët janë të rëndësishëm për Ballkanin në të gjitha situata konfliktuoze”, shtoi Palmer.

Nëse pret ndryshime të mëdha në negociatat mes Kosovës dhe Serbisë dhe mes Bullgarisë dhe Maqedonisë, Palmer u përgjigj:

“Gjithçka varet nga palët e prekura. Ne duam t’i motivojmë ta gjejnë kompromisin e duhur për progres dhe të kuptojnë se kjo është për interesin e tyre. Jam i bindur se Sofja dhe Shkupi do të gjejnë zgjidhje për çështjet që e bllokojnë përparësinë e RMV-së drejt BE-së. Jam i bindur se mund të zgjidhen këto çështje. BE-ja duhet të gjejë mënyrë që ta tregojë përkushtimin e saj ndaj këtyre shteteve, t’ua hapë rrugën dhe t’i fillojë konferencat ndërqeveritare. Kjo është detyra e BE-së të cilën duhet ta realizojë”, deklaroi për TV21, Përfaqësuesi Special i SHBA-ve për Ballkanin, Metju Palmer.

Palmeri thotë se vizioni për të ardhmen e SHBA-ve është identik me atë të vendeve të Ballkanit – integrimi i plotë në BE. Kjo sipas tij do të thotë anëtarësim në BE i të gjitha vendet të Ballkanit Perëndimor si dhe anëtarësim në NATO për të gjitha vendet që synojnë të jenë pjesë e Aleancës.

Përfaqësuesi i posaçëm i sekretarit shtetëror të SHBA-së për Ballkanin Perëndimor, Methju Palmer nesër do të qëndrojë për vizitë pune në Maqedoninë e Veriut.

Palmer, siç njoftuan nga Ministria e Punëve të Jashtme, do të pritet nga shefi i diplomacisë, ministri i Punëve të Jashtme, Nikolla Dimitrov.

Në këtë takim pritet që Dimitrov dhe përfaqësuesi i lartë i Departmentit të Shtetit të diskutojnë për zhvillimin e raporteve bilaterale mes Republikës së Maqedonisë së Veriut dhe Shteteve të Bashkuara të Amerikës, si dhe për mbështetjen e SHBA-së për integrimet euro-atlantike të shtetit tonë, ndërkohë do të shkëmbejnë edhe mendime për gjendjen në rajon.

SHBA-ja shpreson se Këshilli Evropian në tetor do të sjellë vendim për fillim të negociatave me Maqedoninë e Veriut, deklaroi i dërguari special amerikan i sapoemëruar për Ballkanin Perëndimor, Methju Palmer në intervistë për Zërin e Amerikës.

Palmer megjithatë tha se vendi duhet të vazhdojë me zbatimin e agjendës reformuese, përfshi këtu edhe sjelljen e Ligjit të ri për Prokurorinë Publike.

“Për këtë çështje në Shkup po zhvillohen negociata konsultuese. Ne dëshirojmë bashkëpunim me Qeverinë e Maqedonisë së Veriut në përkrahje të agjendës reformuese. Do të dëshiroja t’i ndihmojmë vendit të përparojë”, shton Palmer.

Ne mbështesim një hetim të plotë, të hollësishëm dhe transparent, zv. ndihmës Sekretari i Shtetit të SHBA Matthew Palmer, duke komentuar hetimin për prokuroren speciale, Katica Janeva.

“Akuza të tilla serioze kërkojnë një përgjigje serioze. Nëse ka prova, atëherë një aktakuzë e përshtatshme do të ishte një mundësi për autoritetet dhe Maqedoninë e Veriut që të demonstrojnë respekt për sundimin e ligjit, e cila është bazë që do të ndihmojë Maqedoninë e Veriut të vazhdojë rrugën e saj evropiane. Ne mbështesim dhe inkurajojmë institucionet e Maqedonisë së Veriut që të përfundojnë këtë hetim”, tha Palmer në intervistë për Zërin e Serbisë.

Ai theksoi se është e rëndësishme që të ekzistojë Prokuroria Speciale Publike, e cila do të ketë mandat që adresojë këto çështje dhe sfida.

“Po zhvillohen bisedime midis opozitës OBRM-PDUKM-së dhe LSDM-së nl lidhje me parametrat e ligjit të ri për PSP-në. Është e rëndësishme që këto palë të bashkohen për të negociuar dhe zgjidhur dallimet mes tyre”, tha Palmer.