Talibanët dënuan planet e mundshme që Turqia të zgjasë praninë e saj ushtarake në Afganistan, duke i quajtur ato të dëmshme për të dy palët, në kohën e tërheqjes së trupave të huaja nga vendi i shkatërruar nga lufta, transmeton Anadolu Agency (AA).
Në një deklaratë të postuar në faqen propagandistike të grupit, talibanët paralajmëruan se do të mbajnë një qëndrim kundër trupave turke nëse qëndrojnë në Afganistan pas shtatorit.
Nëse trupat turke “vazhdojnë pushtimin e vendit tonë, Emirati Islamik (Talibanët) dhe kombi afgan, në përputhje me detyrën e tyre fetare, të ndërgjegjshme dhe patriotike, do të marrin një qëndrim kundër tyre”, thuhet në deklaratë.
Nëse “okupimi” nuk mbaron, thuhet më tej në deklaratë, “përgjegjësia për të gjitha pasojat do të bjerë mbi shpatullat e atyre që ndërhyjnë në punët e të tjerëve dhe marrin vendime të tilla të këshilluara keq”.
Përderisa theksohen lidhjet historike, kulturore dhe fetare midis Turqisë dhe Afganistanit, talibanët thanë se Turqia duke mbajtur trupa në vend do të ishte “e këshilluar keq, me një shkelje të sovranitetit dhe integritetit tonë territorial dhe kundër interesave tona kombëtare”.
“Ne i nxisim fuqishëm zyrtarët turq të kthejnë vendimin e tyre për shkak se ai është i dëmshëm për të dy vendet”, thonë talibanët.
Vlen të theksohet se Turqia nuk ka dërguar trupa luftarake në Afganistan.
Në janar 2021, ushtria turke mori drejtimin e Task Forcës së Përbashkët të Gatishmërisë Shumë të Lartë të NATO-s, duke vendosur mijëra ushtarë në gatishmëri, të gatshëm për t’u vendosur brenda ditësh.
Selçuk Yurtsızoğlu, një gjeneral-brigade nga Turqia, kryeson Komandën e Stërvitjes, Këshillimit dhe Ndihmës në Kabul që kryen ndihmën e forcës së sigurisë të bazuar në funksione për të trajnuar, këshilluar dhe ndihmuar divizionin e 111-të në kryeqytetin e Afganistanit.
“Prania turke shihet si e favorshme”
Nuk kishte asnjë përgjigje të menjëhershme ndaj deklaratës nga qeveria afgane, por ndihmësi i afërit i presidentit Mohammad Ashraf Ghani, Fazal Mehmood Fazli, tha për transmetuesin shtetëror RTA muajin e kaluar se Afganistani e sheh si të favorshëm praninë e trupave turke të vendosura në Aeroportin Ndërkombëtar Hamid Karzai në kryeqytetin Kabul.
Këtë prill, SHBA vendosi 11 shtatorin si afat në të cilin të gjitha forcat amerikane duhet të tërhiqen nga Afganistani, duke i dhënë fund një pranie gati 20-vjeçare.
Ndërkohë, vazhdojnë bisedimet midis SHBA-së dhe Turqisë rreth sigurisë në aeroport pas tërheqjes amerikane.
SHBA dje mirëpriti ndihmën e Turqisë në përpjekjen e vazhdueshme për të tërhequr të gjitha forcat e amerikane dhe të NATO-s nga Afganistani përpara afatit të afërt.
“Ne me siguri e mirëpresim rolin konstruktiv të Turqisë kur bëhet fjalë për tërheqjen dhe situatën më të gjerë të sigurisë dhe sigurisë në Afganistan”, u tha gazetarëve zëdhënësi i Departamentit të Shtetit të SHBA-së, Ned Price.
Ai më tej mirëpriti “mbështetjen e Ankarasë për procesin diplomatik” në Afganistan.
Vendosja e trupave të huaja në Afganistan filloi më 7 tetor 2001 kur SHBA dhe Britania filluan Operacionin “Liria e Qëndrueshme”. Atyre iu bashkuan 43 aleatë dhe partnerë të NATO-s pasi OKB autorizoi Forcën Ndërkombëtare të Ndihmës së Sigurisë në muajin dhjetor.
Në shkurt të vitit 2020, SHBA arriti një marrëveshje me talibanët për t’u tërhequr plotësisht nga Afganistani në vitin 2021.
