![Netherlands Soccer Champions League](https://aktuale.mk/wp-content/uploads/2024/05/Erik-ten-Hag-gives-directions-to-his-team-as-Valencias-head-coach-Albert-Celades-is-seen-left-during-the-group-H-Champions-League-soccer-match-between-Ajax-and-Valencia-780x470-1-696x419.jpg)
Përkundër faktit se fitoi trofeun e dytë që prej se mori frenat e klubit, Erik Ten Hag është në rrezik serioz që të shkarkohet nga klubi. Sipas “The Telegraph”, klubi ka mbajtur bisedime me agjentët e dy trajnerëve të njohur – Tomas Frank dhe Maurisio Pokettinjo.
Raporti shton se Junajtedi është takuar me rrethin e dy trajnerëve teksa po eksplorojnë të gjitha opsionet e tyre para se të marrin një vendim përfundimtar për holandezin. Personat vendimmarrës tek klubi anglez së shpejti do të mbajnë një takim ku do të bëhet rishikimi i plotë i rezultateve që klubi arriti në sezonin 2023/2024, aty ku do të përcaktohet fati i 54-vjeçarit.
Trajneri i Brentfordit, Tomas Frank, ka bërë një punë të jashtëzakonshme gjatë gjashtë viteve të fundit ndërsa Poketinjo momentalisht është i papunë pas largimit të tij nga Çellsi.