Kryetari i komunës së Gostivarit dhe njëherësh sekretar i përgjithshëm i Aleancës për Shqiptarët, Arben Taravari pa fije turpi po tenton të përfitojë pikë politike nga tragjedia që mbrëmë rreth orës 21:00 kaploi Tetovën, shkruan opinionshqip.live
Por kjo tentativë e Taravarit për të përfitu nga tragjedia në Tetovë ka hasur në rezistencë të qytetarëve. Në komentet e tyre ata e kanë akuzuar Taravarin për pashpirtësi dhe idiotizëm që tenton të keqpërdor rastin.
Taravari prej mbrëmë e deri në këto çaste, nuk është ndalur së shkruari statuse politike në profilin e tij zyrtar në rrjetin social facebook lidhur me zjarrin që kaploi spitalin modular të Klinikës së Tetovës.
Ai në njërin nga statuset e tija ka shkruar: “Lutemi që Zoti të ndalojë sa më shpejt makthin që ka mbërthyer Tetovën që po paguan një faturë të tmerrshme!”
Më pas gjatë natës së mbrëmshme Taravari ka shpërndarë dhe një status të një bashkë partiaku të tij në të cilin thuhej: “Tragjedi dhe katastrofë për të cilën duhet kërkuar llogari dhe përgjegjësi nga të gjithë defiluesit e sontëm” status ky i cili pa çaste më vonë u fshi nga Taravari pas një numri të madh të komenteve negative në adresë të tij.
