Një javë pas shpërthimit që shkaktoi dhjetëra viktima në Stamboll, Turqia ka nisur sulme ajrore ndaj objektivave kurde në Irak dhe në Siri.
Kjo pasi Ankaraja i ka drejtuar gishtin për shpërthimin në Stamboll militantëve kurdë, raporton BBC.
Bastisjet, të quajtura Operacioni “Kthetra-Shpata” goditën bazat kurde që po përdoreshin për të nisur sulmet ndaj Turqisë, tha ministria e mbrojtjes.
Një zëdhënës siriano-kurd tha se dy fshatra të populluar me njerëz të zhvendosur brenda vendit u goditën.
Grupi i ndaluar kurd PKK mohon kryerjen e sulmit në Stamboll.
Me fillimin e sulmeve ajrore, ministria turke e mbrojtjes shkroi në Twitter se “ora e llogaridhënies” ka mbërritur.
“Bunkerët, shpellat, tunelet dhe magazinat e terroristëve u shkatërruan me sukses”, tha ministri turk i Mbrojtjes Hulusi Akar.
Ministria turke e mbrojtjes tha më vonë se sulmet ndaj bazave militante kurde në Sirinë veriore dhe Irakun verior shkatërruan 89 objektiva.
Forcat e udhëhequra nga kurdët në Siri u zotuan të hakmerren dhe thanë se qyteti i Kobane u godit si dhe dy fshatra me popullsi të dendur.
Më vonë të dielën, një raketë e lëshuar nga Siria raportohet se plagosi tre persona në kufirin me Turqinë, thanë media shtetërore turke.
Të paktën 31 persona u vranë vetëm në Sirinë veriore, sipas Observatorit Sirian për të Drejtat e Njeriut me qendër në Mbretërinë e Bashkuar.
Nuk është e qartë se cilat objektiva u goditën në Irak./abcnews.al/
