Video e një efektiveje të policisë së Nju Jorkut, e cila i bën “twerk” kolegut të saj, po bën xhiron e rrjetit. Policja me origjinë shqiptare, Vera Mekuli u filmua teksa kërcente në prehrin e kolegut të saj Nick McGarry, një toger të martuar.
Ajo ka reaguar për mediat duke u shprehur se ndihet e turpëruar pas daljes së pamjeve.
Gjithashtu 26-vjeçarja i ka kërkuar falje gruas së kolegut, ndërsa ka thënë se prej asaj dite nuk ka folur me togerin dhe nuk ka qenë e qetë.
“Dua t’i kërkoj falje bashkëshortes së togerit, vërtetë më vjen keq. Shpresoj të mos ketë shkaktuar ajo ngjarje shumë dëm në martesën e juaj apo në jetën e juaj personale. E di se duket keq dhe nuk duhej të ndodhte. Unë vërtetë nuk e dija për martesën tuaj”-është shprehur ajo për TMZ.
Kërcimi ndodhi javën e kaluar në një bar, teksa ajo bashkë me kolegët po festonin Krishtlindjet.
Shqiptarja gjithashtu ka thënë se nuk e kishte idenë se togeri ishte i martuar.
Vera Mekuli tha se ndihet shumë e turpëruar sa nuk ka dalë nga shtëpia që nga publikimi i videos.
Mediat raportojnë se as Vera dhe as nëntogeri nuk përballen me ndonjë akuzë disiplinore.
https://twitter.com/Imposter_Edits/status/1473046346634518537?ref_src=twsrc%5Etfw%7Ctwcamp%5Etweetembed%7Ctwterm%5E1473046346634518537%7Ctwgr%5E%7Ctwcon%5Es1_&ref_url=https%3A%2F%2Fopinion.al%2F%3Fp%3D885636
