11:22 | 26 Prill 2021
11:22 | 26 Prill 2021
Raphael Varane është duke mbajtur konferencën për media para ndeshjes ndaj Chelseat.
Real Madridi do të përballet me Chelsean në kuadër të gjysmëfinales së Ligës së Kampionëve në mesjavë, përcjell lajmi.net.
Varane theksoi se e di vështirësinë e kundërshtarit, pasi ata janë të shpejtë dhe mund të rrezikojnë në çdo moment.
Francezi theksoi edhe vështirësitë nga pandemia COVID-19, ku lodhja dhe ndeshjet e shumta kanë kontribuar në lëndime tek Real Madridi.
“Ata janë një skuadër e plotë dhe mund të krijojnë rrezik në çdo moment të ndeshjes, ata janë të shpejtë dhe të rrezikshëm edhe në lojën në ajër”, tha ai.
“Lodhja? E dimë që ky është një sezon i vështirë. I vështirë është dhe për mua, unë pata kohë në shtëpi duke pushuar nga COVID-19”, shtoi ai.
“Unë kam fituar katër Liga të Kampionëve dhe është një garë që më emocionon tej mase”, tha Varane.
Varane u pyet edhe për vazhdimin e kontratës me Real Madridin.
“E ardhmja ime është e qartë, unë jam i fokusuar deri në fund të sezonit në objektivat e skuadrës”, përfundoi Raphael Varane.
