Policia turke arrestoi dy persona, si pjesë e një hetimi për transmetimin e këngës ‘Bella Ciao’ nga disa xhami në Izmir.
Banu Ö. u arrestua për vlera fetare degraduese të promovuara publikisht, sipas nenit 216/3 të Kodit Penal turk dhe u la i lirë me masa të kontrollit gjyqësor, ka njoftuar kryetari i prokurorisë publike të Izmirit.
Një person tjetër gjithashtu u la i lirë me masat e kontrollit gjyqësor pasi u mor në arrest, sipas zyrës së prokurorit.
Presidenti i Çeshtjeve Fetare, Ali Erbaş tha se ‘incidenti në muajin e shenjtë të Ramazanit dëmtoi të gjithë muslimanët’ dhe se ata ‘do të ndjekin çështjen deri në fund’.
Të mërkurën në 20 maj, versioni turk i ‘Bella Ciao’, një këngë popullore protestuese në italisht, u dëgjua nga disa xhami në provincën perëndimore të Izmir.
Hakerët depërtuan në sistemet e sigurta të xhamive në Izmir, Turqi për të transmetuar këngën italiane, duke rindezur debate politike dhe fetare në Turqinë e polarizuar.
