Paaftësinë e Qeverisë e tregojnë 386 të infektuarit në katër ditët e fundit.
Në të gjithë Ballkanin, koronavirusi është zvogëluar. Në shumicën e vendeve pothuajse nuk ka infeksione të reja, por në Maqedoni virusi ka marrë vrull me 120 raste të reja dje, vetëm për shkak të paaftësisë së pushtetit. Qindra gënjeshtra të treguara nga Venko, Zaev dhe Spasovski dolën në sipërfaqe. A duhet të pranojmë që vetëm tek ne është normale të kemi 386 të infektuar të rinj dhe 14 të vdekur në vetëm katër ditë?
Maqedonia, si asnjëherë më parë, ka pësuar humbje të mëdha në çdo fushë të jetës shoqërore. Shifrat për gjendjen e të prekurve të rinj dhe vdekjeve në Maqedoni janë tre herë më të larta se numri i përgjithshëm i pacientëve në rajon. Gjithsej 843 raste aktive dhe 147 vdekje flasin për një Qeveri të paaftë vetëm për të përhapur gënjeshtra dhe për t’ia transferuar fajin dikujt tjetër.
Përpjekjet për të manipuluar publikun duke falsifikuar numrat, duke futur orë policie brenda natës, dhe përhapja e virusit përmes aktiviteteve parazgjedhore tregojnë se LSDM-ja është partia më joparimore e cila e ka vënë në dyshim jo vetëm jetën dhe shëndetin e qytetarëve, por vazhdon me këmbëngulje të përpiqet ta mashtrojë publikun me deklarata të pamatura.
Është e qartë si kristali që për shkak të pamaturisë dhe paaftësisë së LSDM-së, e udhëhequr nga Zaevi ka kaos në vend dhe gjendja shëndetësore është përshkallëzuar në nivele të papara.
Sjellja joprofesionale e Komisionit për Sëmundje Infektive rrit vetëm padurimin e qytetarëve. Veprimi i Komisionit dhe papërgjegjësia e tij në një situatë ku kemi 386 pacientë të rinj në vetëm 4 ditë është dëshmi se kuadrot e partisë punojnë nën diktatin e Filipçes dhe Zaevit.
Dje, Maqedonia kishte numrin e të infektuarve me koronavirus sa i kanë gjithsej të gjitha vendet e Ballkanit. Shkalla e personave të sapoinfektuar për një milion banorë është mbi dhjetë herë më e lartë se në rajon.
Maqedonia me LSDM-në mund të shohë vetëm rënie dhe kaos të pashembullt në dëm të jetës së qytetarëve. Shifrat janë shkatërruese dhe pasqyrojnë gjendjen jonormale në të cilën na solli Zaev.
VMRO-DPMNE është ndryshe nga LSDM-ja. Me LSDM-në dhe Zaevin, ne fituam një regjim hibrid të paaftësisë, krimit dhe varfërisë.
Qendra për komunikime e VMRO-DPMNE-së
