Partia opozitare maqedonase VMRO-DPMNE, kërkon që ministri i Punëve të Jashtme Nikolla Dimitrov, zv.kryeministri për Çështje Evropiane Bujar Osmani, ministri i Financave Dragan Tevdovski, ministri i Punëve të Brendshme Oliver Spasovksi, si dhe ministrat e Punës dhe Politikës Sociale, Ekonomisë dhe Shëndetësisë, të japin dorëheqje.
Nënkryetari i kësaj partie Aleksandar Nikollovski sot në konferencë për shtyp tha se dokumenti “Non Paper” i përgatitur nga vendet anëtare të BE-së, ka konfirmuar atë që thotë opozita.
Ai gjithashtu tha se qytetarët e dijnë se nuk ka pasur reforma dhe përparim.
Përndryshe, në dokumentin “Non Paper” thuhet se nuk janë përmbushur gjitha kushtet për fillimin e bisedimeve me BE-në. Dokumenti është përgatitur nga disa vende anëtare të BE-së, ndërsa vërejtje përveç për Maqedoninë ka edhe për Shqipërinë.
