Presidenti serb Aleksandar Vuçiq i ka bërë thirrje presidentit austriak Alexander van der Bellen që Vjena zyrtare të përmbahet dhe të përpiqet të presë mundësi potenciale për marrëveshjen e kompromisit rreth Kosovës, kryesisht sa i përket pranimit të mundshëm të Kosovës në Interpol.
Sipas numrit një të Serbisë, pranimi i Kosovës në këtë organizatë do të thoshte hapje e të paktën dy problemeve serioze.
“E para është se shqiptarët nuk do të duan më të flasin për asgjë, por ata vetëm do të presin për hapin tjetër, e ato janë OSBE-ja dhe OKB-ja. Ata do të jenë në krahë politik dhe nuk do të donin zgjidhje kompromisi.
Serbia nuk do të dorëzohet me këtë presion dhe ne do të arrinim në një rrugë pa dalje” tha ai gjatë një konference të përbashkët me shefin e shtetit austriak.
