Në Kuvendin e Republikës së Maqedonisë së Veriut sot pasdite është mbajtur pritje solemne me rastin e 8 shtatorit – Ditës së Pavarësisë. Në ceremoni morën pjesë kryetari i shtetit Stevo Pendarovski, kryeministri Dimitar Kovaçevski, ministra në Qeveri, përfaqësues të trupit diplomatik, përfaqësues të bashkësive fetare, ish-kryetarët e Kuvendit Trajko Veljanovski dhe Tito Petkovski, Avokati i Popullit. Naser Ziberi dhe figura të tjera të jetës publike.
Kryetari i Kuvendit, Talat Xhaferi, në fjalimin e tij para të pranishmëve tha se beson se tek të gjithë ne ka forcë, vullnet, vendosmëri dhe vizion se ku duam ta shohim Republikën e Maqedonisë së Veriut. Ne kemi një shtet të përbashkët si trashëgimi dhe të gjithë jemi përgjegjës për të, shtoi Xhaferi, duke theksuar se vetëm kështu do të vazhdojë ëndrra e të parëve tanë. Xhaferi ka theksuar se procesi i integrimeve evropiane nuk ka alternativë apo zëvendësim dhe ne kemi ende hapin e fundit – sepse nuk ka kthim prapa.
Xhaferi tha se në legjislaturën tridhjetë e një vjet më parë, kolegët tanë deputetë e hodhën në letër dhe në jetë vullnetin e qytetarëve për shtet të pavarur, sovran me subjekt juridik të njohur ndërkombëtarisht dhe anëtar të barabartë të bashkësisë së kombeve.
“Dhe atëherë, ashtu si tani, Kushtetuta – akti më i rëndësishëm legjislativ, ishte udhërrëfyesi ynë, i cili përcakton rrugën që do të ndjekim për të garantuar përparimin, zhvillimin dhe sigurinë e shtetit. Në të përcaktohen synimet strategjike me rëndësi thelbësore, rreth të cilave jemi bashkuar gjithmonë dhe sinqerisht besoj se kështu do të jetë edhe këtë herë. Sepse procesi i integrimeve evropiane nuk ka alternativë, nuk ka zëvendësim dhe ne kemi ende hapin e fundit, sepse nuk ka kthim prapa, tha kryetari i Kuvendit.
Fakti që sot jemi mbledhur këtu për të festuar këtë ditë historike për vendin, sipas tij, thotë në vetvete se jemi në rrugën e duhur.
“Përkatësisht, pas periudhave të shumta kritike që ka kaluar vendi ynë, sot jemi anëtare me të drejta të plota në aleancën e NATO-s. Nuk do të thotë vetëm se kemi përmbushur një nga synimet strategjike të vendosura prej kohësh, por është edhe një konfirmim i qartë se premtimi i dhënë qytetarëve është realizuar. Më e rëndësishmja, kjo nënkupton një të ardhme të sigurt dhe integritet territorial për Republikën e Maqedonisë së Veriut. Gjumë i qetë për ju të dashur qytetarë dhe duhet ta pranojmë se në këtë kohë lufte në Ukrainë është jashtëzakonisht e rëndësishme, tha kryeparlamentari Xhaferi.
Siç tha ai, na pret një periudhë e vështirë në çdo aspekt – ekonomike energjetike, shëndetësore, madje edhe në atë të sigurisë, sepse konfliktet shumë lehtë mund të përhapen dhe zgjerohen, dhe për këtë arsye, jostabiliteti politik dhe tensioni janë më e pakta që na duhen tani në vendi.
“Të demonstrojmë pjekuri, përgjegjësi dhe ndërgjegje dhe vetëdije të lartë dhe ta vendosim interesin e qytetarëve dhe të shtetit mbi interesat personale dhe partiake. Të tregohemi politikisht të mençur, të qëndrojmë fort pas vendimeve tashmë të marra me kredibilitet shtesë ndërkombëtar dhe të kuptojmë seriozitetin e situatës”, tha kryetari i Kuvendit.
Askush, theksoi ai, nuk duhet të luajë me perspektivën e sigurt të Republikës së Maqedonisë së Veriut, ta mbrojmë, ta ndërtojmë, ta zhvillojmë dhe të kontribuojmë në demokratizimin e saj edhe më të madh, konsolidimin institucional dhe themelimin ndërkombëtar edhe më të fortë, secili në sferën e vetë të veprimit.
“Kjo do të jetë e dobishme edhe për të rinjtë tanë, sytë e të cilëve janë të përqendruar vetëm nga jashtë. Le të vendosim një sistem vlerash që do të jetë një garanci e mjaftueshme që secili prej tyre të jetë në gjendje të përmbushë pritshmëritë, ëndrrat dhe shpresat e tij për të ardhmen. Një shoqëri në të cilën të gjithë ne, tani dhe në të ardhmen, do të ndihemi të barabartë, të respektuar, të barabartë përpara ligjit dhe drejtësisë. Respektimi i të drejtave dhe lirive të njeriut si e drejtë e natyrshme dhe universale duhet të jetë e paprecedentë dhe pa dallim përkatësie etnike, fetare, sociale, partiake apo çfarëdo përkatësie tjetër, tha kryetari i Kuvendit në pritjen e organizuar në Kuvend me rastin e festës së Pavarësisë – 8 shtatori.
