Energjia elektrike nuk do të shtrejtohet. Këtë bindje pati Kryeministri Zoran Zaev ndërsa thotë se që të zbutet rritja e çmimeve të energjisë elektrike të kushtëzuar nga liberalizimi i tregut, nga 1 korriku do të ulet TVSH-ja për rrymën nga 18 në 5 përqind. Ky veprim për subevncionim të rritjes së kërkuar nga kompaitë e energjisë bëhet me të vetmin qëllim, mbrojtjen e qytetarëve, tha Zaev.
“Shteti përmes uljes së TVSH-në, i mundëson EMV-së që të prodhojë dhe shesë energji elektrike që është 50 për qind më e lirë se në bursë. Në fakt, duke e zvogëluar atë nga 18 në 5 përqind, ne praktikisht po subvencionojmë rritjen e kërkuar nga kompanitë e energjisë. Diferenca nga ulja nga 18 në pesë përqind mbetet me EMV, me qëllimin përfundimtar për të mbrojtur qytetarët.” tha kryeministri Zoran Zaev.
Lidhur me taksën mjedisore për naftën dhe derivatet e naftës që duhet të futet nga 1 korriku, Zaevi është i sigurt që 3.5 denarët e parashikuar nuk do të shkaktojnë inflacion.
“Shteti ishte këtu për të paguar kur ishte e vështirë për transportuesit. Definitivisht, 3.5 denarët nuk do të ndikojnë asgjë më shumë, duke pasur parasysh se të gjithë në mënyrë të barabartë dhe të gjithë në mënyrë të posaçme mbajnë një pjesë të detyrimit për Agjendën e Gjelbër dhe mbrojtjen e shëndetit të qytetarëve.”, tha Zaev.
Për transportuesit që reagojnë, Zaev tha se Qeveria ka marrë një vendim për të ndihmuar transportin ndërkombëtar dhe tashmë është dhënë urdhër për të paguar fondet kryesisht në trafikun e udhëtarëve si më të përshtatshmet.
