Kombëtarja e Rusisë në futboll nuk do të marrë pjesë në kualifikueset për në Kampionatin Europian 2024.
Pas pushtimit rus të Ukrainës, ekipet kombëtare ruse dhe klubet ruse u ndaluan nga i gjithë futbolli ndërkombëtar. Kështu, kombëtarja ruse e femrave nuk u përfshi në Kampionat Evropian këtë verë, ndërsa kombëtarja e meshkujve u përjashtua nga kualifikueset e Botërorit për kampionatin në Katar që luhet më vonë këtë vit.
Pezullimi vlen për një kohë të pacaktuar – dhe tani Federata Ruse e Futbollit njofton se kombëtarja nuk do të marrë pjesë në ndeshjen kualifikuese për Kampionatin Evropian 2024.
Shkak është bërë vendimi i UEFA-s në muajin shkurt, i cili vazhdon të zbatohet pafundësisht.
Megjithatë, Rusia ka rezervuar disa ndeshje miqësore për të ardhmen.
