Ndihmës Sekretarja e Çështjeve Evropiane dhe Euroaziatike, Dr. Karen Donfried do të mbërrijë javën e ardhshme vendin tonë.
Zyrtarja e lartë e Departamentit Amerikan të Shtetit do të vizitojë Shqipërinë në 28 prill në kuadër të 100-vjetorit të marrëdhënieve dypalëshe, ndërsa do të nënvizojë gjithashtu mbështetjen për anëtarësimin e Shqipërisë në BE.
“Më 28 prill ajo do të përkujtojë 100-vjetorin e marrëdhënieve diplomatike SHBA-Shqipëri dhe do të falënderojë Shqipërinë për partneritetin tonë në Këshillin e Sigurimit të Kombeve të Bashkuara dhe për angazhimin e saj ndaj sovranitetit dhe integritetit territorial të Ukrainës përballë agresionit rus. Ajo do të nënvizojë gjithashtu mbështetjen tonë të fortë për anëtarësimin e Shqipërisë në BE dhe integrimin ekonomik rajonal, si dhe do të theksojë nevojën për të zbatuar plotësisht reformën në drejtësi dhe për të luftuar korrupsionin.”
