Studime të shumta konfirmojnë se vitaminat dhe mineralet e shumta të pranishme te karotat mbrojnë organizmin tonë duke u kthyer në aleatë të shëndetit
Karotat janë një ushqim i shëndetshëm, me shije të ëmbël dhe plot me vitamina, antioksidantë dhe fibra, mund të zvogëlojnë rrezikun e zhvillimit të sëmundjeve malinje, sëmundjeve të zemrës dhe diabetit të tipit 2. Dhe këtë do t’ua shpjegojmë për 10 arsye përse kjo perime duhet patjetër të bëhet pjesë e dietës tuaj ushqimore.
Betakaroten
Karota është një burim i pasur i betakarotene, i cili është një antioksidant i fuqishëm me shumë përfitime shëndetësore. Në trup, betakarotene konvertohet në vitaminë A për të ruajtur lëkurën e shëndetshme. Studimet tregojnë se betakarotene gjithashtu mbron mushkëritë kundër toksinave që çojnë në kancerin e mushkërive. Në fakt, ish-duhanpirësit që konsumojnë betakarotene në baza ditore janë gjetur të ulin rrezikun e kancerit të mushkërive dhe të stomakut. Ushqime të tjera që kanë përmbajtje të lartë të betakarotenit përfshijnë spinaq, kale dhe patate të ëmbla.
Tretja
Trupi ka nevojë për disa minerale, vitamina, fibra dhe enzima të domosdoshme për të fuqizuar procesin e tretjes dhe karotat i kanë këto. Karota ka sasi të barabarta të fibrave të tretshme dhe të patretshme, të cilat ndihmojnë për të nxitur sistemin tretës përmes ushqimit. Betakaroten konvertohet në vitaminë A, e cila rrit shëndetin e limfociteve tuaj. Karota gjithashtu përmban sasi të mirë të kalciumit dhe kaliumit, dy minerale të rëndësishme për tkurrjen normale të të gjitha llojeve të muskujve, duke përfshirë ato të nevojshme për të lëvizur ushqimin përmes traktit tuaj të tretjes. Për këto arsye, studimet tregojnë se nëse karota hahet rregullisht mund të parandalojë ulcerën e stomakut.
Elemente alkaline
Ngrënia e shumë ushqimeve që formojnë acidin ka një efekt negativ shëndetësor, por ngrënia e karotave mund të ndihmojë kthimin e PH në trup në nivel të dobishëm. Trupi ka nevojë për ushqime që përmbajnë acid dhe alkalinë, trupit i nevojitet më shumë kjo e fundit, ndërsa dietat tona moderne kanë tendencë të përmbajnë shumë nga të parat, d.m.th. acid. Qëllimi është që për rreth 80% të konsumit tuaj të përditshëm të ushqimit të përmbajë alkalinë, të tilla janë ushqimet si karota dhe perime të tjera të kësaj familjeje.
Kalium
Kaliumi në bashkëpunim me natriumin balancojnë nivelet e lëngjeve, që kontribuon në shëndetin e veshkave dhe redukton tensionin e lartë të gjakut. Fatkeqësisht, ne kemi tendencë të marrim shumë më shumë natrium sesa ne kemi nevojë për shkak se ajo gjendet në të gjitha llojet e ushqimeve të përpunuara në një nivel të pabesueshëm.
Shëndeti i dhëmbëve
Karotat mund t’ju ndihmojnë të mbani dhëmbët dhe mishrat e shëndetshëm në shumë mënyra. Kështu, vetëm kafshimi i karotës largon pllakën bakteriale nga dhëmbët. Konsumimi i karotave ndihmon gjithashtu në stimulimin e prodhimit të pështymës e cila ndihmon për të mbajtur bakteret e gojës nën kontroll. Gjithashtu, ndihmon në ruajtjen e balancës së PH të gojës tuaj.
Plagët
Ka dy përbërës në karota që mund të shpejtojnë shërimin e plagëve – dhe ato janë vitamina C dhe betakarotenë. Vitamina C është e lidhur me një sistem të shëndetshëm imun dhe me prodhimin e kolagjenit, një komponent domosdoshëm për lëkurën. Betakarotenë është e njohur në aftësinë për të zvogëluar inflamacionin në mënyrë që lëkura të shërohet më shpejt.
Fitonutrientët
Një ndër fitonutrientët më të fuqishëm të pranishëm në karota quhen falkarinol, e cila mendohet të zvogëlojë rrezikun e kancerit të zorrës së trashë, si dhe të mbështesë shëndetin e përgjithshëm të zorrës së trashë. Në fakt, fitonutrientët, (duke përfshirë antioksidantët) të pranishme në karota mund të reduktojnë rreziqet për të gjitha llojeve të kancerit.
Karotenoidet
Karota gjithashtu përmban një grup të veçantë antioksidantësh të quajtur karotenoide, të cilat përdoren për të ndihmuar rregullimin e sheqerit në gjak. Prandaj, një dietë e pasur me karotenoide mund të zvogëlojë rrezikun e zhvillimit të diabetit të tipit 2.
Fibrat
Është thënë shumë se fibrat ndihmojnë tretjen, por fibrat kanë edhe përfitime të tjera shëndetësore. Fibrat e tretshme në karota lidhet me kolesterolin LDL (ky është lloji i keq i kolesterolit) dhe i lejon trupat tanë të eliminojnë atë. Si rezultat, me konsumimin e karotës ka më pak pritje për mpiksjen e gjakut dhe me një rrezik më të ulët për sëmundjet e zemrës. Fibra e pazgjidhshme ndihmon në parandalimin e kapsllëkut dhe bllokimit të zorrëve, duke zvogëluar rrezikun e problemeve si hemorroidet dhe madje edhe kancerin kolorektal.
Sytë, flokët, thonjtë dhe lëkura
Profili i balancuar ushqimor i karotave është i mirë për të gjithë trupin, duke përfshirë flokët, thonjtë, lëkurën dhe sytë. Fitonutrientët shpërndajnë disa nga përbërësit që trupi ka nevojë për të ndërtuar qeliza të reja. Qelizat e reja ndikojnë në shëndetin e syve, duke bërë shikimin më të qartë, lëkurë më të shëndetshme dhe thonj më të fortë.
Lëngu i karotës ka cilësi dhe vlera të rëndësishme:
- Ndihmon në tretjen e ushqimit
- Normalizon gjakun
- Ndihmon për të ruajtur një peshë normale të trupit
- Është antiseptik
- Forcon flokët dhe shikimin
- Zvogëlon aciditetin
- Rekomandohet për personat të cilët vuajnë nga reumatizma
- Rekomandohet për personat që vuajnë nga anemia
- Rekomandohet në rastet e impotencës dhe sterilitetit (për të dhënë efektin e duhur duhet të konsumohet për një kohë të gjatë)
Lëngu i karotës i përzier me mjaltë dhe lëng limoni ndihmon për:
- Sëmundjet e frymëmarrjes
- Shtrëngimet në gjoks
- Astmën
- Ftohjen (rrufë bronkiale)
