Për të 13-tin vit me radhë Shoqata Humanitare “Agimi i Bamirësisë” në Tetovë shpërndanë iftare falas për studentët dhe nevojtarët. Për sot janë shpërndarë 700 iftare, ndërsa me ardhjen edhe të pjesës tjetër të studentëve ky numër do të arrij deri në 1000 iftare, thotë Visar Xhaferi nga kjo shoqatë.
“Sot është vendos për 700 iftare, me shpresë se shumë shpjet do të arrijë numri në një mijë. Arsyeja pse fillohet me 700 është se dita e parë dhe e dytë është se studentët do hanë iftaret në shtëpi dhe nga dita e hënë do i kemi dy qind apo tre qind studentë tanë që do i bashkëngjiten sofrë”, tha Visar Xhaferi.
Një iftar ka vlerën prej 3.5 euro, apo 210 denarë, ndërsa mjetet sigurohen nga kompanitë e vendit dhe bamirësit. Sipas Xhaferit gjëja më e mirë është të sigurohen iftare për pjesën më të ndjeshme të shoqërisë.
“Çdo vit e kemi me stres fillimin se nisim një rrugë të gjatë, një maratonë 30 ditore dhe kemi frikë se nuk do arrijmë ta mbulojmë dhe se ka kompani që kërkojnë pagesën ditën kur e marrin ofertën. Ka të cilët presin dhe nuk duam të presin, se nuk duam me sevap të bëjmë gjynah duke i futur në borxh. Çështja financiare është njëra dhe çështja tjetër është çështja shpërndarjes sepse nëse i lëmë këtu një mijë. Këtu behët kaos dhe ka vullnetarë që vijnë me makinat e tyre dhe mbulojnë të gjithë lagjet e Tetovës”, tha Xhaferi
Studentet hanë ushqim në dy meze afër universitetit të Tetovës të cilët nga aktivistët e kësaj shoqate shtrohen çdo ditë. Kjo ndihmon ata që të hanë ushqim të ngrohet dhe të mos kenë as harxhime dhe as enë për të pastruar. Të gjithë ata që duan të ndihmojnë në aspektin financiar mund të drejtohen tek shoqata Agimi Bamirësisë në Tetovë.
