Ministri i arsimit i Madagaskarit është shkarkuar pasi planifikoi të porosiste më shumë se 2 milion dollarë lëpirëse për nxënësit e shkollave.
Rijasoa Andriamanana tha se nxënësve do t’u jepen tre lëpirëse secilit për të hequr shijen “e hidhur” të një ilaçi bimor të pa testuar kundër koronavirusit.
Plani u ndërpre pas kundërshtimeve nga presidenti i Madagaskarit.
Presidenti Andry Rajoelina është duke promovuar tonikun bimor Covid-Organics si një kurë ndaj koronavirusit.
Disa vende afrikane vazhdojnë të importojnë Covid-Organics duke besuar se do të ndihmojë në luftimin e koronavirusin, por Organizata Botërore e Shëndetit ka paralajmëruar se nuk ekziston asnjë kurë e provuar.
Edhe Akademia Kombëtare e Mjekësisë e Madagaskarit ka hedhur dyshime në efikasitetin e pijeve me bazë artemisia, duke thënë se ajo ka potencialin për të dëmtuar shëndetin e njerëzve.
Gati 1000 raste me koronavirus janë raportuar në vend, nga të cilat 7 kanë rezultuar në humbje jete. Masat e bllokimit janë vendosur në të gjithë vendin por Presidenti Rajoelina është përballur me kritika për përgjigjen e tij ndaj shpërthimit të pandemisë.
