Në 30 vjetorin e marrëdhënieve diplomatike me Slloveninë, minstri i Jashtëm Bujar Osmani thekson nevojën për vazhdimin e miqësisë me shtetin slloven në sfidat e rrumbullakimit të procesit eurointegrues të rajonit.
Ai sërish theksoi mundësi e përhapjes së krizës në Ballkanin Perendimor për shkak të invazionit rus ndaj Ukainës.
“Invazioni rus nuk paraqet incident të izoluar dikund larg prej kufijve tanë, është afër nesh, është në tokë të Evropës. Diçka që e kemi konsideruar si të largët dhe të pamundshme. Bëhet e qartë çdo ditë e më shumë se rrumbullakimi i Unionit Evropian nuk është vetëm çështje administrative dhe politike, por para së gjithash kontribut thelbësor në stabilitetin rajonal dhe në Evropë” – tha Ministri i Jashtëm i vendit, Bujar Osmani.
Para të pranishmëve, përmes video-lidhjes në ceremoni foli edhe ministri i jashtëm slloven Llogar, i cili theksoi nevojën e fillimit të bisedimeve mes BE-së dhe RMV-së, në favor të stabilitetit rajonal.
“Është shumë me rëndësi që të filloni bisedimet me BE-në sa ë shpejt. Sllovenia do të vazhdojë të mbetet përkrahës dhe mik i RMV-së në rrugën e urointegruese të saj.
Ambasadori slloven Milan Predan mes tjerash tha se përveç raporteve të mira në politikë ekonomi dhe në kulturë, Maqedonia e Veriut dhe Sllovenia kanë treguar bashkëpunim mes vete edhe në raste fatkeqësie” – tha Ministri i Jashtëm slloven, Anzhe Llogar.
Në manifestimin e 30 vjetorit të marrëdhënieve diplomatike me Slloveninë , performoi korri “France preshern”, i përbërë nga solist me prejardhje sllovene që jetojnë në shtetin tonë dhe miqt e tyre maqedonas.
