Lista e re pozitive e ilaçeve është zgjeruar me nëntë barna të reja gjenerike. Këtë e bëri të ditur Ministri i Shëndetësisë Arben Taravari sipas të cilit me iniciativën e Ministrisë së Shëndetësisë janë angazhuar ekspert që punuan për ndryshimet ligjore, miratimin e një rregulloreje të re si dhe vendosjen e barnave në listën pozitive. Sipas tij, bëhet fjalë për 87 barna në forma, fuqi dhe paketime të ndryshme të cilat kanë regjistrim aktiv në shtetin tonë.
“Kjo shtesë në listen pozitive përfshinë ilaçe për sëmundje të zemrës, për sëmundjen e shtypjes së lartë, ankthit, agregaz, barna për trajtimin e yndyrave të tepruara në organizëm, antidepresant dhe ilaçe për sëmundjen e demencës. Ky është vetëm fillimi i procesit të zgjerimt të listës pozitive dhe me këtë rast u bëj thirrje dhe i inkurajoj kompanitë farmaceutike që të vazhdojnë me aplikimet për përfshirjen e barnave të reja në listën pozitive.”, u shpreh ministëri i shëndetësisë Arben Taravari.
Edhe nga Agjensioni i barnave potencojnë se kriteret me të cilat janë përzgjedhur barnat bazohen në praktikat e aplikuara në nivel rajonal, evropian dhe global.
“Përmbushja e këtyre kritereve në asnjë mënyrë nuk mund të bëjë që barnat me cilësi të ulët dhe të panevojshme të futen në listën pozitive. Vetë fakti që sëmundjet kardiovaskulare janë më të përhapurat, imponon nevojën që këto barna të jenë prioritet për momentin.”, tha Mejrem Haxhihamza, udhëheqëse në Agjencinë e Barërave dhe paisjeve mjekësore.
Taravari më tej shtoi se edhe disa mjekë të klinikave private kanë interes të kthehen të punojnë në shëndetësinë publike dhe se së shpejti do të gjindet edhe mënyra e kthimit të mjekëve të cilët kanë mbi 10 vite përvojë pune por që punojnë në klinikat private. Taravari nuk dha një numër të saktë se për sa punonjës shëndetësor bëhet fjalë, por potencoi se kjo është tregues që besimi në institucionet publike shëndetësore po rikthehet.
Marketing
