Zjarret që shpërthyen në pjesë të Kilit qendror kanë vrarë të paktën 64 njerëz dhe vendi po përballet me një “tragjedi të përmasave shumë të mëdha”, tha presidenti kilian Gabriel Boric, duke paralajmëruar se numri i të vdekurve ka të ngjarë të rritet në ditët në vijim.
Zjarret në pyje që shpërthyen pak ditë më parë po kërcënojnë skajet e jashtme të qyteteve turistike Viña del Mar dhe Valparaíso, të cilat së bashku kanë më shumë se një milion banorë.
Autoritetet vendosën një shtetrrethim pas orës 21:00 në zonat më të goditura dhe dërguan ushtrinë për të ndihmuar zjarrfikësit të ndalonin përhapjen e zjarrit, ndërsa uji nga helikopterët u përpoq të zbuste flakët nga ajri.
Boric, duke shpallur nga nesër dy ditë zie kombëtare, ka dhënë një lajm të keq.
“Kjo shifër sigurisht që do të rritet, do të rritet ndjeshëm,” tha Boric në një fjalim televiziv drejtuar kombit.
Numri i vdekjeve të dielën, 64, u rrit nga 51 të shtunën. Qindra njerëz janë gjithashtu të zhdukur, thanë autoritetet, 1 mijë shtëpi janë dëmtuar dhe më shumë se 90 zjarre po shpërthejnë në të gjithë shtetin.
Megjithëse zjarret nuk janë të rralla gjatë verës në hemisferën jugore, vdekjeprurja e këtyre zjarreve i bën ato fatkeqësinë më të rëndë kombëtare të vendit qe nga tërmeti i vitit 2010, i cili vrau rreth 100 njerëz.
Vitin e kaluar, pas një vale rekord të të nxehtit, 30 njerëz vdiqën dhe më shumë se 400 mijë hektarë tokë u prekën.
“Ne jemi të gjithë bashkë në luftën kundër kësaj situate të jashtëzakonshme. Prioriteti është të shpëtojmë jetë,” është i vendosur Boric.
