Ish partnerët e koalicionit, Ziadin Sela nga Aleanca për Shqiptarët (ASH) dhe Vesel Memedi nga Rilindja Demokratike Kombëtare (RDK) akuzojnë njëri tjetrin se njëri është pjesë e BDI-së kurse tjetri është pjesë e PDSH-së.
“Aleanca për Shqiptarët është përballur me një problem, përfaqësimi në Parlament nuk reflekton përkrahjen që Aleanca për Shqiptarët ka në terren dhe te votuesit shqiptar. Natyrisht ne jemi subjekt politik i shfaqur në skenën politike, kemi marrë tre deputetë në zgjedhjet e 2016-tës, ai tjetri është bërë pjesë e BDI-së – është e drejtë e tij, është shumë e ulët, shumë e ligë, kuptohet por ne nuk jemi organizatë kriminele që t’i kushtëzojmë deputetët, nga veprimi që bëri ai u përball në zgjedhjet lokale dhe e pa se sa peshë dhe sa përkrahje ka, në ndërkohë që jemi subjekti i dytë shqiptar si rezultat i zgjedhjeve të fundit lokale te blloku politik shqiptar”, tha Sela gjatë emisionit të mbrëmshëm “200” në Alsat M.
Sot është kontaktuar Memedi, për të deklaruar qëndrimin e tij në lidhje me akuzat e Selës për atë se ai është bërë pjesë e BDI-së, por ai si kundërpërgjigje ndaj kësaj, tha se Sela është pjesë e PDSH-së.
“Nuk merrem me njerëz të tillë. Nëse thotë se une jam pjesë e BDI-së, ai është pjesë e PDSH-së”, tha shkurt Memedi për Portalb.
Ndryshe, partitë në fjalë në zgjedhje e vitit 2016 fituan bashkëshirsht 3 deputetë. Aleanca për Shqiptarët më pas doli nga Qeveria, ndërkaq partneri i saj i koalicionit, RDK, mbeti pjesë e shumicës parlamentare.
