Presidenti i SHBA-së, Donald Trump ka shtrënguar duart me udhëheqësin e Koresë së Veriut, Kim Jong-un, në Zonën e Dimiltarizuar, që ndanë Veriun dhe Jugun në Gadishullin Korean.
Trump u bë presidenti i parë i SHBA-ve që shkeli në Korenë e Veriut pas takimit me Kim Jong-un, shkruan BBC
Udhëheqësit, në takimin e tyre të tretë ballë për ballë në më pak se një vit, u takuan në zonën e tensionuar që ka ndarë gadishullin që kur përfundoi Lufta Koreane në vitin 1953.
Në një takim të organizuar, pasi Trump ftoi Kim në Twitter, ata shtrënguan duart në vijën e demarkacionit përpara se Trump të kalonte shkurtimisht në territorin e Koresë së Veriut, një moment historik në diplomacinë midis dy vendeve.
Shumë presidentë të mëparshëm amerikanë kanë vizituar linjën armistike të vitit 1953 midis Koreas, kryesisht në një shfaqje të mbështetjes amerikane për Jugun.
Por Trump ndryshoi optikën e vizitës. Takimi i tij me Kim Jong-un dhe hapat në Korenë e Veriut bënë histori.
Pas shtrëngimit të duarve të tij me Kim Jong Un, Trump tha se ishte një nder i madh.
“Është një nder i madh, shumë përparime janë bërë … Kjo ka qenë një miqësi veçanërisht e madhe”, tha Trump për udhëheqësin e Koresë së Veriut. “Është një ditë e mrekullueshme për botën”.
Duke qeshur, Kim u përgjigj: “Unë besoj se kjo është një shprehje e vullnetit të tij për të eliminuar të kaluarën e pafat dhe në një të ardhme të re”.
Presidenti i Koresë së Jugut, Moon Jae-in u bashkua me të dy pas shtrëngimit të duarve të tyre.
