Jelena Marinkoviç pretendon se është gruaja më e fortë e Europës. Kur nisi të shkonte në palestër 5 vjet më parë ajo nuk e imagjinonte se do të bëhej një kampione në peshëngritje. Vetëm e kishte tepruar pak me peshën dhe ndoqi këshillën e bashkëshortit.
“Im shoq më bindi të shkoja në palestër. Por sapo preka peshat, ishte dashuri me shikim të parë. Nuk isha marrë më parë me sport. E nisa ne moshën 30 vjeç”, tha Jelena Marinkovic.
“Sigurisht që ndihem i kërcënuar prej saj. Ajo po fiton të gjitha garat… “, tha bashkëshorti i Jelenas, Darko Markonviç.
Bashkëshorti ndoshta është penduar që u bë shkak që në shtëpinë e tij tashmë më e fuqishmja është gruaja.
Sot Jelena është një peshëngritëse 35 vjeçare dhe e tregon historinë e saj jo vetëm për mburrje por për t’u dhënë zemër atyre që mendojnë se është vonë për të zbuluar ndonjë talent të fshehur te vetja.
