Një shqiptar 23 vjeçar, i kapur duke vjedhur në një apartament, arriti të arratisej në mënyrë spektakolare nga dhoma e paraburgimit ne Itali, një ndërtese e re e përuruar në prill në prani të Salvinit.
Mediet italiane shkruajnë se bëhet fjalë për shqiptarin Elidon Gegaj, i cili është shpallur në kërkim.
Atë policia e vuri në pranga në mëngjes, teksa ishte bllokuar në ballkonin e një apartamenti në Monza, të cilin e kishte plaçkitur.
Por në orën 11.30 të mëngjesit, ora e fillimit të procesit gjyqësor, Elidon Gegaj mundi të arratisej.
Ai ishte futur një qeli që nuk i kishte hekurat e lartë deri në pjesën e tavanit dhe nuk e la pa shfrytëzuar këtë mundësi duke u arratisur, shkruan Top Channel.
Ai ka mundur të ngjitet mes pjesës boshe dhe ka dalë ne korridor, e mandej ka ikur pa u vënë re nga askush, si te ishte një “fantazmë”.
Gegaj akuzohet për vjedhje dhe në kohën e arrestimit iu bllokuan edhe mallrat që kishte vjedhur në banesën ku të zotet duket se ishin me pushime. Sendet kishte tentuar t’i fshihte në një kazan plehrash: katër ora, katër unaza dhe medalje ari, vathë dhe një gjerdan metalik të çmuar etj.
