Pasi parandaloi largimin e tij nga klubi këtë verë, PSG-ja tashti dëshiron të ndërmarrë një hap tjetër me Neymarin.
Siç është raportuar të enjten nga portali francez “Le10Sport” , klubi parisien tashti dëshiron të zgjasë kontratën e sulmuesit brazilian, i cili përfundon në 2022.
Po ai medium shpjegon se një takim do të ishte zhvilluar pas ndeshjes midis PSG-së dhe Real Madridit midis përfaqësuesve të Neymarit dhe drejtuesve të PSG-së.
Qëllimi i takimit ishte të sillte pozicione dhe të qetësonte klimën e tensionit të shkaktuar gjatë verës.
Pas këtij kontakti, Leonardo, drejtor sportiv i klubit ka në mend të rifillojë negociatat me Neymarin për të zgjatur kontratën e tij.
Sipas po të njëjtit portal, mendimi i Neymarit, i cili gjatë verës kërkoi me ngulmë që të largohej në drejtim të FC Barcelona, mbetet të dihet.
