Në pyetjen “Nëse nesër do të mbahen zgjedhjet parlamentare për cilën parti do të votoni?”, qytetarët e anketuar nga agjencia “Market Vision” kanë shprehur preferencat politike duke qenë matës të rejtingut të partive politike. VMRO-DPMNE kryeson në këtë anketë me 39.8%, ndërsa LSDM radhitet e dyta me 31.2%.
Sa i përket partive shqiptare: BDI kryeson me 9.6%, por e dyta radhitet Aleanca për Shqiptarët (ASH) me 6.8%. Në vend të tretë është Lëvizja BESA me 1.2%. Pas këtyre partive radhiten: E majta me 0.9%, PDSH me 0.6%, VMRO-Partia Popullore me 0.6%…etj.
Ajo që bën përshtypje në këtë anketë është se 31% e të pyeturve janë deklaruar se nuk dinë, ndërsa 22.5% se nuk do të votojnë. Mbi 19% kanë thënë se nuk duan të zbulojnë se cilën parti. Anketa është realizuar nga 17 – 24 shtator për nevojat e portalit Mkd.mk, ku janë anketuar 1200 qytetarë përmes metodës CATI (anketë telefonike me ndihmën e kompjuterit), ku janë anketuar të gjitha komunitetet në bazë të përqindjes.
