“Kur bëhet fjalë për të ardhmen e Ballkanit Perëndimor, është koha e qëlluar, ndërsa Maqedonia e Veriut është shembull për atë se si duhet të funksionojnë shtetet. Rruga nuk ishte e lehtë dhe nuk ka përfunduar akoma, por qartë e tregon rolin e këtij shteti në rajon”. Këtë e tha sot ambasadorja amerikane në Shkup, Kate Marie Byrnes, në samitin e sotëm të “The Economist”, që u mbajt në Shkup.
Ajo shtoi se ky mesazh do të përcillet edhe nga sekretari shtetëror Mike Pompeo, i cili të premten do ta vizitojë Maqedoninë e Veriut. “Stabiliteti i kësaj Marrëveshje, anëtarësimi në NATO dhe anëtarësimin eventual në BE u ka treguar investuesve ku është mirë të investojnë.
Nga perspektiva e SHBA-së Marrëveshja e Prespës ishte një moment i shkëlqyer jo vetëm për shtetet nënshkruese, por edhe për të gjithë rajonin, por Maqedoninë e Veriut e pret edhe një rrugë e gjatë, zgjidhjen e rasteve të korrupsionit, vendosjen e sundimit të së drejtës dhe të të gjitha vlerave të demokracisë dhe institucioneve stabile pa dallim të erërave politike”.
“SHBA-ja mbetet e angazhuar në rajon. Ne e njohim dhe e pranojmë rëndësinë e këtij rajoni dhe konsiderojmë se Marrëveshja në të vërtet[ është një hap i madh, por nuk duhet të rrini të qetë, por duhet të vazhdoni në rrugën e reformave, ndërsa SHBA-ja mbetet partner i juaj besnik”, porositi ambasadorja amerikane Byrnes.
