Ish Prokurorja Speciale Katica Janeva është në gjendje më stabile dhe me siguri nesër do të transferohet në burgun e Shutkës ku do ta vuaj masën e paraburgimit, që ju shqiptua si e dyshuar në lëndën “Zhvatja”, shkruan Fokus. Janeva tani më katër ditët është për kurim mjekësor në klinikën private “Filipi i Dytë” ku u dërgua të enjten për shkak përkeqësimit të gjendjes shëndetësore.
Shtypja e gjakut ka qenë i ulët, ndërsa gjatë analizave mjekët kanë konstatuar se është në gjendje para sulmit në zemër. Avokatët e Janevës nuk kanë vendosur nëse në bazë të raportit mjekësor do të kërkojnë nga gjykata që masa e paraburgimit të zëvendësohet me masën e paraburgimit shtëpiak. Së pari dot ë presin vendimin e Apelit për masë më butë për të cilën është ofruar garancion.
