Tani radhën e kanë liderët e BE-së për të biseduar mes vete për t’i ndërruar lojërat, deklaroi ambasadori francez Kristijan Timonie, duke u përgjigjur në pyetje të gazetarëve nëse Franca do ta ndryshojë qëndrimin e saj për çështjen për zgjerim deri në maj deri në Samitin e Unionit në Zagreb, për kur liderët evropianë paralajmëruan se sërish do ta kthejnë në temë.
Timonie thotë se edhe vendi duhet të realizojë disa detyra – zgjedhje dhe ligje të suksesshme për luftë kundër korrupsionit, për të cilët thotë se miratimi do të ishte një sinjal shumë i fuqishëm. Ai edhe me kritikë se në vend mbahen shumë zgjedhje,
“Para së gjithash atë që ne duhet ta bëjmë është që bisedojmë mes nesh për t’i ndryshuar rregullat e lojës. Në të njëjtën kohë, nëse ju nga ana jua mund të bëni avancim do të jetë edhe më mirë, veçanërisht zgjedhjet të jenë të suksesshme, që do të jetë një shenjë më shumë për stabilitetin politik”, ka thënë Timonie sot në deklaratën për mediumet në Panairin për studime në Francë.
Sipas tij, ekzistojnë disa punë për të cilat ka kohë kjo Qeveri t’i sjellë deri më 3 janar dhe e cila deri atëherë, siç tha, duhet të punojë në kapacitet të plotë.
“Në çdo rast do të thotë mund të shkohet përpara, të shkohet në progres kuptohet me një mirëkuptim të mirë mes vetë partitë. Pasi që ju të gjithë së bashku duhet në njëfarë mënyre ta definoni interesin tuaj kombëtar, me qëllim që ai interes kombëtar të mund të sillet në nivel evropian, veçanërisht këtu mendohet në ligjet që duhet të sillen me shumicë prej dy të tretave.
Veçanërisht lidhur me ligjet për luftë kundër korrupsionit, të cilat nëse mund të sillen do të ishte një sinjal shumë i fuqishëm. Ne para së gjithash kemi punë nga ana jonë për ta vendosur në rend shtëpinë tonë dhe ju duhet ta sillni pikëpamjen tyre gjegjësisht ta ndizni ndaj horizontit evropian që është i juaji, megjithatë duhet të punohet dhe të përvilen mëngët”, ka thënë Timonie.
Zgjedhje të suksesshme, sipas tij, janë pjesë e kritereve globale për stabilizim të jetës politike.
“Kjo do të jetë një shenjë e mirë, por jam plotësisht në besim të plotë se e tërë kjo do të kalojë mirë. Keni shumë zgjedhje, por çdoherë mendoj se një hap më lartë ka kaluar në krijimin e një besimi në sistemin politik, gjegjësisht në sistemin demokratik”, vlerësoi ambasadori francez.
