Publicisti i njohur, Halil Matoshi, është indinjuar tej mase me pritjen e Presidentit serb, Aleksandër Vucic, nga Kryeministri shqiptar Edi Rama në Durrës, në kuadër të projektit për Minishengen që po mbahet në Durrës, transmeton Gazeta Metro.
Matoshi ka shprehur indinjatën e tij për pritjen e Vucicit në Tiranë, duke shkruar “Rama, vafsh n’ferr”, në një shkrim të gjatë ku ia ka numëruar krimet e shtetit serb të kryera gjatë luftës në Kosovës kundër civilëve të pafajshëm.
Gjithashtu Matoshi, ka shkruar se ai vet ishte i marrë peng së bashku me 3500 kosovarë të tjerë të cilët ishin mbajtur për një vit në kampet serbe, disa në Lipjan e disa në Pozharevc të Serbisë, ku nuk kishin të drejta si të burgosur e as si viktima, dhe kjo pamje e Vucicit që sot shtirej se po e ndjehet i mërzitur nga tërmeti më shkakton jo vetëm neveri por edhe zemërim e indinjatë.
Statusi i plotë i Halil Matoshit:
Rama, vafsh n’ferr!
Gjatë luftës në Kosovë, jam marrë peng lufte (me rreth 3500 shqiptarë Kosove) dhe kam qenë i mbajtun për nji vit në Kampet serbe të Përqëndrimit, në Kosovë (Lipjan) dhe Serbi (Zabela, Požarevac), pra në hapësira biopilitike, ku pushon e drejta burgore dhe si viktimë, fotografia e Kryeministrit serb Vučić në Durrës tek shtiret se ‘vuen i mërzitun’ për sh’pitë e rrënueme nga tërmeti, më shkakton jo vetëm neveri por edhe zemrim e indinjatë!
Sëkëndejmi, e marr të drejtën morale që
Zotni Edi Ramës dhe ministrave të tij servilë, kosovarëve Besa Shahini e Gent Caka me u rikujtu disa fakte:
Sipas të dhânave zyrtare në Kosovë ka mbi 130 mijë shtëpi të rrënueme e djeguna me temel, 11 mijë civilë të vramë dhe të masakruem, mbi 20 mijë vajza e gra të dhunueme e kësaj shifre duhet shtue edhe të zhdukunit, rreth 1300 nga ta ende nuk e kanë nji varr me u prehë në qetësi. Serbia, në kohën kur Aleksandar Vučić ishte ministër i propagandës, ka dëbuar nga shtëpitë e tyne, jashtë Kosove, me trenat e vdekjes 800 mijë veta dhe për këtë, askush nga ‘vladar-ët’ e Beogradi nuk ka kërku falje si satisfaksion moral për viktimat, për më zi, vet miku i Kryeministrit shqiptar Rama, Vučić, vetëm pak ditë para se të shprehte keqardhjen e tij për shtëpitë e dâmtueme nga tërmeti në Durrës e rrethinë, mohoi masakrën botnisht të dokumentume të Reçakut!?
Vučić âsht bashkpjesëmarrës në Holokaustin kosovar dhe Kosova ka me e mbajtë përgjegjës atë përjetësisht.
Rama i përgjigjet trupit politik shqiptar dhe jo Kosovës, por ai për viktimat, nji ndër ta edhe unë, do të vlejë si kafshues shpirtnash dhe nuk e ka të drejtën me folë as për Kosovën e leje mâ në emën të saj!?
Sepse miku i tij, Vučić i trimnydm nga Rusia po e mësynë edhe sot shpërbâmjen e shtetit kosovar, për të cilin luftuen e u sakrifikuen brezni të tâna sgqiptarësh, qe nji shekull.
Pra, Rama kujdes, larg duert nga Kosova!
