Kryeministri i Shqipërisë, Edi Rama me anë të një video-mesazhi nga Roma, pas takimeve me kryeministrin Conte dhe ministrin Di Maio shpreh falënderimet për ndihmën pas tërmetit të 26-nëntorit.Rama tha se Konferenca e Donatorëve më 17 shkurt nuk përmbush dot të gjitha nevojat që ka Shqipëria por do të përpiqet që ajo të ketë sukeses. Po ashtu tha se do të takojë kancelaren gjermane dhe disa kontakte kyçe të nivelit të lartë.
Në video-mesazh kryeministri shprehet:
“Kemi kryer dy takime ne kuadër të rindërtimit në kuadër të konferencës së donatorëve. E falenderova Conte dhe di Maio për ndihmën e paçmuar të Italisë mike që pas tërmetit të 26 nëntorit. I kam informuar për planet e rindërtimit dhe planet e dëmeve.
Shifra përfundimtare nuk dalë ende, por të dhënat e deri tanishme na japin një shifër rreth 1 miliardë euro. Ne do bëjmë çmos që konferenca të jetë sukses, e kemi të qartë se për të përmbushur nevojat nuk do mjaftojë, por pas konferencës do vijojmë me veprime te tjera kurajoze, si dhe duke kombinuar skema financimi për rindërtimin.
I falenderoj për mbështetjen,do vijoj takimin tani në javën e ardhme me Merkel po ashtu dhe me të tjerë që janë kyç. Ju informoj që planet e rindërtimit po ecin shpejt brenda afatit që kemi thënë brenda 2020.
Po punohet dhe në planet e zonave të qyteteve të prekura, ku ndërhyrjet do jene masive, por jemi brenda afateve, është e qartë për të gjithë se do vijojmë tu paguajmë deri ne fund kur ti kthejmë në shtëpitë e reja, po ashtu edhe për shkollat dhe qendrat shëndetësore, raporton Tch.
