Zinedine Zidane mund të vendos të kthehet te Juventus në një të ardhme të afërt, për t’u bashkuar sërish me Cristiano Ronaldon, thotë Steve McManaman.
Trajneri francez sezonin e kaluar është rikthyer te Real Madrid, pas aventurës së parë ku fitoi tre tituj të Ligës së Kampionëve.
Rikthimi i tij nuk ka qenë i lehtë, kur dihej se Cristiano Ronaldo tashmë ishte larguar në drejtim të Juventusit. Por, 52 vjeçari ka arritur të vendos skuadrën në rrugën e duhur, dhe tashmë janë duke luftuar titullin e La Ligas dhe Ligën e Kampionëve.
Steve McManaman, që dikur ka luajtur për Real Madrid, ka thënë se Zidane në Bernabeu është rikthyer në bazë të disa premtimeve që i janë bërë, dhe nëse ato nuk mbahen, ai mund të largohej.
47 vjeçari thotë se një largim i Zidanes nga Reali, mund t’i hap rrugë transferimit të tij te Juventus, ku ka luajtur edhe si futbollist.
“Sa i përket lidhjeve me Juventusin, ai ka luajtur për ta, ai flet gjuhën italiane dhe ai është një hero atje, kështu që do të ishte e lehtë për të. Juvenusi ka lojtar dominues, ai e njeh mirë Ronaldon, i njeh shumë mirë lojtarët”, ka deklaruar McManaman.
“Nuk e di se si po mendohet për Maurizio Sarrin te Juventus, ata janë duke luajtur shumë mirë. Ata janë lider në ligë”.
