Gjigandi i teknologjisë, Apple është gjobitur së fundmi 25 milionë euro për ngadalësim të qëllimshëm të modeleve të sajë të vjetra të iPhone-ëve pa informuar më parë klientët.
Gjoba është vendosur nga autoriteti francez i mbikëqyrjes duke thënë se kompania duhet të kishte paralajmëruar klientët se pajisjet e tyre do të ngadalësoheshin pas përditësimit të sistemit të operimit.
Konkretisht përdoruesit e iPhone “nuk ishin të informuar se instalimi i përditësimeve të iOS (10.2.1 dhe 11.2) mund të ngadalësonte pajisjet e tyre”.
Si pjesë e marrëveshjes, Apple duhet të shfaqë një njoftim në faqen e tij në gjuhën frënge për një muaj.
Autoriteti mbikëqyrës francez thotë se Apple “kreu krimin e praktikës mashtruese tregtare me anë të mosveprimit” dhe kishte pranuar të paguante gjobën.
Shumë klientë kishin dyshuar prej kohësh se Apple ngadalësoi iPhone-ët e vjetër për të inkurajuar blerjen e modeleve të reja.
Në vitin 2017, kompania konfirmoi se kishte ngadalësuar disa modele të vjetëra, por jo për të inkurajuar njerëzit që të blinin modelet e reja.
Ata thanë se bateritë e pajisjeve u bëheshin më pak të afta për të furnizuar kërkesat me energji të pajisjes, pasi ato vjetrohen me kalimin e kohës.
Kjo mund të rezultojë në fikjen e papritur të një iPhone për të mbrojtur përbërësit e tij elektronikë.
Kështu, në 2017 kompania lëshoi një përditësim të sistemit operativ për iPhone 6, iPhone 6s dhe iPhone SE i cili “zbuti” performancën e baterisë.
